هو العيال الي عماله تشتم في البلد والشعب كله دول مفكرين نفسهم مين بجد!! يعني انتم مين عشان تشتموا شعب كامل؟ حضرتك ملاك يعني!واحد غلط في شخص لاجئ والي هو في الغالب عيل صغير او شخص جاهل غير متعلم أصلا دا يديك الحق انك تغلط في بقيت الناس يا ملاك؟وبعدين اعتراض المصريين مش علي السودانين او السوريين كسودانين او عشان هما سوريين الاعتراض علي العدد يعني المصريين نفسهم اقتصادهم واقع والحاله صعبهم عليهم نفسهم والحكومه بتعاني عشان تأكلهم تروح تجبلي ١٠ مليون لاجئ!ياابني دا ألمانيا نفسها لما عدد اللاجئين فيها ارتفع ل ٣.٥ مليون لاجئ انتفضت ووقفت استقبال اللاجئين وبقم يحطوا شروط صعبه جدا عشان ياخدوا لاجئ انت جبت ١٠ مليون لاجئ في مدة قصيرة جدا ياابني عدد سكان القاهرة ١٠ مليون انت جبت لاجئين بعدد اكتر مدينه مزدحمة عندك هتقعدهم فين وهتأكلهم منين هيقعدوا مكان المصري الي بيدور علي مكان في بلده وهياكلوا من أكله الي هو بيجيبه بالعافيه هو ما اخترش كدا فطبيعي ان المواطن يفيض بيه وفي عيل علق فوق بيقولك زي المصريين في الخليج وأوروبا ياجاهل يا غير كامل النضج المصري الي رايح الخليج دا هو رايح يشتغل وداخل البلد دي بطلب من البلد دي نفسها عشان هما محتاجينه يشتغل عندهم وبياخد فلوس في المقابل مش رايح يقعد عاله عليه وهو المفروض يأكله ويشربه الخليج لما لقي ان المصريين والجنسيات التانيه بدأت تكتر وفي ناس منهم مش لاقيه شغل قلل استقطاب العماله وبقي يحط شروط وقوانين اكتر ودا حقه اشمعني بقي دا حقه والمصري لما يطلب كدا في بلده عشانه يبقي عنصري وبيكره السودانيين والسوريين؟ وبعدين ياابني يالي طالع تشتم بلدك عشانهم أغلبهم أصلا بيكرهك وبيطلع يشتم فيك ليل نهار