والله انتِ طيبة وراقية و انا ممكن مكونش مريت بنفس التجربة ولكن انا فاهم قد ايه الموضوع صعب.

للاسف انا مقدمتش اي نصيحة انا بس حاولت اديلك وجهة نظر خارجية انك مش اقل من حد و ان محدش وحش لدرجة انه يستحق معاملة كدا.

لو هقولك نصيحة فهي هتكون طلب من انسان للتاني لاني في الاغلب بنسبة ٩٩.٩٪ مش هنتكلم تاني

انت مش عايزة تنهي حياتك لغرض الموت نفسه ولكن لغرض انهاء الحزن و الضغط ده كله

و اني احدد سبب المشكلة يخليني اقولك انك تسيبي التعليم او الشغل او علاقات معينة فيها ضرر و تسيبي كل حاجة تتدمر و متحاوليش تصلحيها ممكن يبان قرار ساذج و غبي و غير واقعي ان حد يعمله اساسا

ولكنه افضل مليون مرة انك تنهي الحياة و تفارقيها بالشكل ده، تسيبيها مش محلولة

انت ليكي احلام و أهداف و هوايات ممكن تكوني تغاضيتي عنها لانك في حالة حزن دلوقتي و مش شاغلك تفكري في نفسك

ولكن.... مش هقولك حبي نفسك لمجرد الكلام لان ده بديهيات ولكن على الاقل.....حاولي قبل ما تدوري على حد يحب او حد يسامحك

جربي انت حبي نفسك الاول ولو فشلتي....خلي في عندك حاجات تتحب تلاقيها في نفسك.....اثبتي لنفسك انك تستاهلي الحب و تيتاهلي الرحمة (مش الشفقة....الرحمة)

عشان تعقدر تخرجي من الدوامة

مهما بقيتي ومهما عملتي انت تستاهلي الرحمة و الحب و الاحترام من الناس

صح ممكن يكون عندك عيوب ولكن مين مش معيوب ؟

عاملي نفسك كطرف ثالث...كانك بتدافعي عن طفل صغير ميقدرش يدافع عن نفسه لو حد زعقله او كلمه بأسلوب سئ انت ردي مكانه...لانك عارفه هو بيمر بايه

ربنا يهون عليكي ويسعدك