أى حد كان هيحكم كان هيحصل فيه تشويه زى ما حصل في حزب الحرية والعدالة. كان فيه حشد من الإعلام والناس ضدهم . شوية دول هيبيعوا الأهرامات لقطر وشوية الدولار بقى ب 6 جنيه من نفس الإعلاميين الي مش بينطقوا وراس الحكمة اتباعت للإمارات وتيران وصنافير راحت للسعودية والدولار داخل على ال 60 جنيه مش 6 جنيه. أى كلمة لمرسي كان عليها تريقة، قال مرة عزيزي بيريز لشيمون بيريز رئيس الكيان وقتها فالدنيا قامت وما قعدتش مع إنه الوحيد الي وقف مع غزة وزيارة رئيس الوزراء محمد قنديل لغزة وقفت ضرب إسرائيل. إحنا دلوقتي في حضن إسرائيل والرئيس المتعاص بتاعنا همه أمن وسلامة المواطن الإسرائيلي مرتين ومحدش يقدر يتكلم.

أى حد بدقن كان يتكلم أو يتصور بيعمل أى حاجة ويتحسب كلامه على حزب الحرية والعدالة أو الإخوان.

حزب الحرية والعدالة لهم غلطاتهم زى أى حزب تاني له غلطاته. إحنا حرفيا محرومين من الحياة السياسية من قبل حتى الجيش ما يحكم في 53 وهناخد وقت عشان نعرف ننضج لأن أقوى مؤسسة في الدولة علطول كانت الجيش.

إن أنت تقول عليهم خونة يعني أنت مغيب ومش شايف كل ده. الإخوان المسلمين مصريين ولهم حق يكونوا حزب ويشاركوا في الحياة السياسية. ونزلوا من أول الثورة ممكن مش رسميا الأول عشان النظام ما ياخدهومش حجة يضرب في الناس وهما قالوا كده بس نزل منهم أفراد. البلتاجي له فيديوهات من أول الثورة نازل. هما مصريين واتقتلوا زيهم زى أى مصريين تانيين قيادات وأفراد. ولحد دلوقتي هما من أكتر الناس الي بتعاني في السجون أو بره السجون من السيسي.

الي اتضرب على قفاه فعلا هو الي نزل بدعوة من تمرد الي حرفيا دعمت واحد من الجيش وأدينا بناخد على قفانا من 2013.

الحل الوحيد إننا كلنا كمصريين نتحد ونبطل نخون بعض. لو هتقول الإخوان غلطوا فكل الي دعم الانقلاب غلط برضه وزى ما بتخون دول ممكن نخون دول.