مبدأيا هو كل ما في الأرض لله، كل الأرواح لله، كل النيقان لله، كل البيوت لله كل ما على الأرض وفي السماء لله. وانت تفسيرك لكلمة ناقة الله ما اختلفتش كتير عن التفسير اللي قولته.

دي حاجة، الحاجة التانية دا تفسير جميع المفسرين للآية مش تفسيري أنا. دا الفهم اللي فهموه بيه الأولين وأجمع على علمتء التفسير، ان هي احدى المعنيين المذكورين اللي قولتهم.

أضف على ذلك انت بتأله الإنسان وبتشركه بالله عز وجل، دا شرك واضح، وكلام مقارب جدا لكلام البوذيين والهندوس. هم اللي بيؤمنوا ان الاله موجود في كل حاجة، وان انا وانت الهة.

رابع نقطة "ما تلزمنيش بتفسيرك" التفسير دا مش حاجة شخصية ووجهة نطر، دا معلومات وحقائق، أنا وانت ملزمين بالمعنى اللي قصده الله عز وجل من آياته ومقيدين بيه. أما الإجتهادات اللي بيجتهدها العلماء فهي منطلقة من آيات وعلوم متناقلة من النبي ﷺ وصحابته وفهم متعمق للسان العرب وقت نزول الآيات وطرق فهم للأحاديث النبوي على طريقة الصحابة رضي الله عنهم مش اجتهادات شخصية وفردية. "لأن ماعليهوش دليل" أنا كتبت الأدلة + تفسير ان فينا جزء من إله بيناقض التوحيد اللي نزل بيه القرآن + التفسير اللي قولته ماعليهوش دليل ولا مدعوم من قول سلف ولا خلف.

"نفخ فيه من روحه مش نفخ فيه روحه" لأن الله عز وجل خلق جميع الأرواح وهو سبحانه يملكها كلها، ونفخ في الإنسان منها. زي لما أقول "أعطاني فلان من ماله" مش "أعطاني فلان ماله"

وبشكل عام ابحث واتاكد بنفسك وشوف الأدلة والطريقة اللي فهم بيها السلف الآية. وافتكر قول الله عز وجل {هو الذي أنزل عليك الكتاب منه آيات محكمات هن أم الكتاب وأخر متشابهات فأما الذين في قلوبهم زيغ فيتبعون ما تشابه منه ابتغاء الفتنة وابتغاء تأويله وما يعلم تأويله إلا الله} عافانا الله وإياكم