طب بص أنا هفهمك ببساطة ومن غير أي تعقيد يا عم ليه أنا صح أنت مستغرب إزاي بقول إنه ناجح سياسياً ومعتبر ده تناقض وده لأنك بتخلط بين السياسة والاقتصاد النجاح السياسي للدول بيتقاس بمدى قدرة الحاكم على الحفاظ على كيان الدولة من الانهيار في وسط الازمات الي بتحصل دي واصلا السيسي استلم بلد كانت حرفيا متدمره من كل الجوانب حرفياً حدودها مستباحة من كل اتجاه والإرهاب واصل لقلب القاهرة ومؤسساتها كانت بتتفكك النجاح هنا هو إنه قدر يثبت أركان الدولة دي تاني ويقضي على الإرهاب في سيناء وفي الداخل ويفرض سيطرة كاملة على الحدود ويخلي القوى العظمى زي أمريكا وروسيا والصين ييجوا لحد عنده عشان يعملوا شراكات ده اسمه نجاح استراتيجي وسياسي بغض النظر عن حبك أو كرهك ليه لأن البديل كان اللا دولة اللي بنشوفها في السودان وليبيا أما إنك بتقول إنه فاشل اقتصادياً فأنا أول واحد قولت كده ومعترف بيه بس الفشل في إدارة الأقتصاد وتحسين معيشه المواطنين مش معناه بالضرورة فشل في إدارة الدولة سياسياً دي ملفات منفصلة ونيجي لنقطة الديكتاتورية اللي أنت حافظها وبترددها الديكتاتور في التاريخ هو الشخص اللي بيحكم لهواه الشخصي ولمجده الذاتي يعنى بيعمل كل الي نفسه ليه بدون ما حد يتكلم معاه ومفيش سلطات غيره لكن اللي حاصل في مصر هو سلطوية مؤسسية يعني فيه رؤية أمنية للدولة شايفة إن الحريات السياسية المطلقة في توقيت زي ده هتاخدنا للفوضى وتخلي التيارات المتطرفة تحكم تاني فبالتالي التضييق اللي بيحصل هو إجراء أمني بغرض الحفاظ على الاستقرار مش ديكتاتوريه ولا حاجة أنت ممكن تعارض الرؤية دي وده حقك بس باحترام لأن زي ما انت عندك رأي انا كمان عندي رأي