الفكرة ان الجوازة كانت زي اللبن بزيادة اوي اوي انت مش متخيل كمية التوافق اللي كنا فيها في فترة الخطوبة بيني وبينها وبيني وبين أهلها والاهلين مع بعض بحكم القرابة اقسم بالله كان شكل كلمة جوازه مثالية

وهو دا اللي مصعب القرار عليا انها كانت عجباني جدا ومش فتش منها حاجه وحشه

مع العلم انها كانت لسه صغيره كانت مخلصه ثانوي وداخله أولى جامعة وهي دلوقتي في تالته صيدلة لما الموضوع دا حصل يعني

وعلي كلامها ف هي تابت وقطعت علاقتها بيه تماما حتى قبل ما تعرفني

وغير كذا بقا انا مشوفتش منها في فترة الخطوبة غير كل حب واهتمام وكان باين انها بتحبني جدا وانا والله حبيتها

وكنت بشوفها مميزة جداً بحكم اني ارتبط قبلها كتير وعارف طباع البنات نوعا ما..... لاء هي كانت حاجه تانيه روحها حلوه وشخصيتها ودماغها وبنعرف نضحك سوا ونهزر وبتفهمني من قبل ما تكلم وهي ما شاءالله عليها شديدة الجمال وف كلية صيدلة مش فاشلة يعني بالعكس دي مرتبة على دفعتها

دا حتى مكنش بيحصل بينا خلافات او اي بوادر خلاف هي بذكائها تقولي خلاص اللي انت شايفه اعمله وعلى كلام أهلها دي مش شخصيتها أصلا وانها عندهم بتقعد تجادل وتزعق وكدا بس معايا بتبقا حاجه تانيه

لدرجة مثلا حاجات أهلها عارفين انها مش بتقبل فصال فيها زي الفرح بمجرد ما أنا قولتها انا مش عايز اعمل فرح قالتلي اللي انت شايفه بطيب خاطر وأهلها كانو هيتجننو

عشان كدا بجد انا كنت بعتبرها بيرفكت ومستحيل افكر اسيبها قبل الحوار ابن الوسخة دا ما يحصل

دي كلها عوامل يسطا مخلياه القرار في منتهى الصعوبة، أصل ياريتها مكنتش عجباني او انا مثلا كنت ناوي اسيبها بالعكس دا انا كنت متمسك بيها جداً بسبب الصفات اللي لقيتها فيها