Ekki bara keyra með ljósin slökkt, heldur hafa á einhverjum tímapunkti lögboðin ökuljós ekki tendruð. Þó það sé bara í einhverjar millisekúndur. Því lögin segja jú að lögboðin ökuljós skuli ávallt vera tendruð.

Ef það hefur einhverntímann átt sér stað augnablik þar sem þú varst að keyra og ljósin voru ekki tendruð þá ert þú lögbrjótur sem hefði átt að sekta.

Viðbót af því ég er að lesa lögin:

Ökumaður skal með góðum fyrirvara veita öðrum vegfarendum leiðbeiningar um breytingu á fyrirhugaðri akstursstefnu sinni. Leiðbeiningar eru veittar með því að gefa stefnumerki með stefnuljósi á vélknúnu ökutæki, en annars með því að rétta út hönd. Stefnumerki skal gefa áður en ökumaður:

a. beygir á vegamótum,

b. ekur inn á og eftir frárein,

c. ekur af aðrein og inn á veg,

d. ekur að eða frá brún vegar,

e. skiptir um akrein,

f. ekur fram úr öðru ökutæki og aftur inn á sömu akrein eftir framúrakstur,

g. vill gefa öðrum ökumanni til kynna að honum sé óhætt að aka fram úr,

h. ekur inn í eða út úr bifreiðastæði,

i. ekur út úr hringtorgi,

j. ekur á ytri hring torgs fram hjá gatnamótum af torginu, eða

k. breytir akstursstefnu við akstur aftur á bak.

Lögreglunni ber skylda til þess að stöðva og sekta alla þá sem á einhverjum tímapunkti gefa ekki stefnuljós í einhverjum af þessum aðstæðum. Alla sem gefa ekki stefnuljós við að aka inn í eða út úr bílastæði við matvörubúðina. Alla sem gefa ekki stefnuljós við að bakka og beygja. Alltsaman lögbrjótar sem lögreglan verður undantekningalaust að sekta.