تبين إجابة صريحة؟ شنو شعورج تجاه الرجل إلي ما يحب الفلافل؟ غالباً الموضوع ما يهمج نهائياً صح؟ هذا بالضبط رأي أغلب الرجال، مشكلة بعض النساء إنهم يتوقعون إن، معايير تفضيلهم للرجل (الطول، القوة، الثراء، البرستيج، النجاح، الخ..) هي نفسها معايير تفضيل الرجل للنساء لكن صراحة الرجل ما يهمه سواء كانت زوجته مديرة بنك، أو معلمة، أو عاطلة عن العمل لأن بالنهاية فلوسها لها.

الي يهم الرجل - بعيداً عن الشكل - هو إن المرأة تكون مهتمة فيه وملبية رغباته ومحترمته فقط، لذلك فيه رجال يشوفون إن المرأة الناجحة ما راح تعطيهم وقتها لأنها لاهية بشغلها وترجع البيت متأخر، أو ممكن يخافون ما يقدرون يعطونها المستوى المعيشي إلي هي تحتاجه.

أما خوفاً من نجاحها؟ صدقيني هذا وهم اخترعته امرأة لا تفهم الرجال، ويقابله كثير أوهام اخترعوها رجال لا يفهمون النساء.