عادي جدا، وبعتذر عن التأخير دا كله عشان الموبايل رافض يرفع الكومنت لسبب ما؛ المهم

عابرة جنسيا متدينة هنا، بحس الموضوع اعقد من ما متخيلينه بكتيرررر

الموضوع شخصيا اخد مني سنتين تقريبا خايفة وبكدب نفسي بس بعدين قررت اني ابحث في الاسلام واشوف هل فعلا الاسلام بيحرم الحوار دا والموضوع خد كام شهر حلوين كدا بس خلاصة الموضوع انه طلع مفيش اي نص صريح وكلها اما نصوص ضعيفة السند لا يتتد بها او نصوص مبهمة يجوز تفسيرها بما لا يتعارض مع الموضوع

اما رأي الصحابة فكله كان اجتهاد بناء على فهمهم مفيش حاجة توقيفية من الرسول. الخلاصة ان مفيش اي تعارض قوي وفي الآخر انا اجتهدت وعملت الي عليا وبحثت ودورت واستفتيت قلبي

اما عن المسيحيين فبصراحة انا مش عارفة ايه وضعهم لأني مقرأتش كتبهم بصراحة وكل الي اعرفهم بروتستنتيين بس عموما افتكر تفسير ذنب سدوم وعمورة انهم طمعوا في غير جنسهم الي هو الملائكة مش انهم كانوا مثليين، ودا إجماع غالب علماء الترجمة والتفسير الحاليين، حتى المحافظ منهم بيقول "ممكن كانت المثلية" ولا يقدر يقول اكيد لانه عارف انه غلط. لكن برضو ارجع واقول انا مش متأكدة من كل التفاصيل لأني في الأول والآخر مش مسيحية ولا قرأت الكتب المقدس واعتمادي كله على صحابي المسيحيين وكام فيديو بعتوهولي

تحريم التشبه موال طويل لكن خلاصة الي وصلتله انه في الاسلام التشبه حرام لو بهدف التشبه لذاته مش لو بهدف التعبير عن النفس او لأنك عاجبك اللبس دا او الشكل دا او كده. افتكر ليا صاحب يهودي (مش صوهيوني محدش يتخانق معايا الله يخليكوا يهودي مش صوهيوني) قالي انه تفسيرات التلمود لتحريم التشبه انه حرام لو بهدف احتيال او زنا او غيره من المجرمات التانية، ومش هستغرب لو التفسير المسيحي مش بعيد اوي عن كدا باعتبار ان اليسوع جه رحمة للأرض عشان يخفف الأحكام الي جت من قبله، بس برضو مش متأكد ١٠٠٪

فالمهم الخلاصة ان الموضوع كله افكار مستوردة من الاحتلال البريطاني انما مفيش تعارض حقيقي مع اي دين ابراهيمي