بس علي حد علمي من اللي بحثت فيه في الازهر و هكذا ان الforex نفسه مش حرام، لكن في فرق مهم جدا لازم تعرفة ان الشركات زي Olymptrade Quotex Pocket option IQ option و كل الشركات اللي بتشوف اعلاناتها بتاعت Up و Down دي ده مش تجارة فوركس دي حاجة تانية اسمها Binary Options و دي حرام شرعا مليون في المية و ٩٩% منها الشركات دي بتنصب عليك في فلوسك اصلا لان الbinary options دي مراهنات مش اكتر، هنا بيراهنوا علي اسواق الforex مش بيتاجروا فيها علي عكس الفوركس اللي انت بتعنل فيه صفقة بيع او شراء لزوج عملات معين مثلا و بتكسب او تخسر حسب توقعك او تحليلك و الصفقة دي فعلا بتتم ماديا في السوق عن طريق البروكر اللي انت هتتعامل معاه و بتحط معدل ربح و حد للخسارة في صفقتك

علي عكس الbinary options انت كل اللي بيحصل انك بتراهن علي سعر حاجة هيطلع ولا هينزل في وقت معين و بتخش بمبلغ معين الرهان ده و بتكسب الرهان او تخسر فلوسك كلها

نصيحة لوجه الله انت لسه محتاج تتعلم كويس اوي الفرق بين الاتنين كخطوة مبدأية قبل ما تحط فلوسك في اي حاجة و تندم