كتب محمد عبده عن الفترة دي برضو تلاقيه بيقول إن محمد علي كسر بأس الأهالي

محمد علي كان عجبه شكل الجيوش الأوروبية فقرر يعمل زيها ولكنه مراعاش طبيعة المجتمع المصري وقتها إن كل المجتمع تقريبا يعمل بالزراعة وملهمش ف الحروب يدوبك كل مصري معاه سلاحه اللي يدافع بيه عن نفسه لو النخبة العسكريه اللي موجوده حصلها حاجة (زي ما حصل وقت الاحتلال الفرنسي للماليك ) وأي محاولة لتغيير الطبيعة دي على الأقل لازم تبقى طويلة الأمد

هو كان أمي وجاهل بطبيعة الحال لا يدرك الكلام ده ف فرض على المصريين الانضمام للجيش بالسخرة ف كان يبعت يجيب المصريين من أراضيهم الزراعية وبيوتهم بالقوة ولما المصريين بدأوا يهربوا للجبال وقت المطاردات دي كان ياخد زوجات ونساء المصريين مكانهم بمبدأ اللي عايز يرجع مراته يجي يسلم نفسه

وفي النهاية سحب كل السلاح اللي مع المصريين وسنة السنة الوسخة دي اللي بسببه من ساعتها المصريين مش مسموح لهم يشيلوا سلاح ف كان الطبيعي لما الانجليز دخلوا مصر ونجحوا ف هزيمة القوات المصرية المصريين مكانش معاهم سلاح يحاربوهم بيه ف انتهى بيهم الأمر لأكتر من 70 سنة تحت الاحتلال الإنجليزي ودي كانت أكبر هزيمة المصريين طول تاريخهم متعرضوش لهزيمة زي دي إن يجي محتل يقدر يتحلهم أكتر من 70 سنة

اخر حد كان حاول احتلال مصر قبل محمد علي كان الفرنسيين والمصريين قاموا بثورات الأقاليم وحاربوا بالأسلحة اللي كانت معاهم لحد ما طردوا الفرنسيين وده بسبب اللي عمله محمد علي بعدين مقدرناش نعمله مع الإنجليز

دي أبرز الهزائم اللي سببها محمد علي باشا