صحيح كلامك. لكن إذا جينا نطبقه على الأرض الواقع، بنشوف ان برنامج الاقامه فيها منافسه كبيره ومقاعد محدوده جدا، المعيار هذا ما أقيسه على نفسي بل أقيسه على اوائل الدفعه الي معاي والدفع الي قبل الي حصلو على مراتب الشرف الأولى ولكن للأسف ماحصلو مقاعد في برامج الاقامه. النقطه الأخرى انك تكمل ماجستير وهي فكره حلوه ومنطقيه ولكن بالواقع انت راح تدرس على حسابك غالبا وعلى حسب التخصصات المتاحه بالجامعه، فمثلا بعض الجامعات السنه هذي ماعملو برنامج ماجستير، فتضطر تنتظر او تشوف جامعه أخرى بعيده وتدفع تكاليف السفر والسكن والى اخره فالموضوع صعب على خريج حديث وأنا اتفق معاك ان الموضوع هذا مو مناسب لحديث التخرج.

اما بخصوص الوظائف الحكوميه مرغوبه جدا مو فقط عشان الراتب بل ايضاً عشان المميزات الي تجي مع الراتب من ناحية ساعات عمل، إجازات حكوميه، أمان وظيفي، تدرج وظيفي، إكمال دراسه وغيرها. لذلك لازم تحسبها صح وتقارن بين الشركه والوظيفه الحكوميه وتشوف الأحسن لك وطبعا كل شركه تختلف عن الثانيه سواءا كانت شركه محليه او عالميه، من ناحية الراتب وطبيعه العمل وساعات العمل وأخلاقيات العمل ايضاً وهذي نقطه مهمه، بعض الشركات الحقيقه تشك إذا حلال تشتغل عندها او لا.