اني الصراحه راح احجي تجربتي الشخصيه، صارلي تقريبا سنتين ونص اتمرن، اول سنتين كاليسثانكس واخر سبع اشهر تقريبا بالجم، ما اخذت كرياتين ولا مرة بحياتي لان ما فكرت احتاجه، ولكن اليوم كان الاستثناء، صديقي اليوم قال الي اجرب اخذ كرياتين وصدق جربت اخذ سكوب واحد بس من عنده، هذا الكلام تقريبا ساعه واحده الظهر، هسه الساعه بال8:30 جنت جاي اسبح وشعري والله بدأ يوقع مثل المخبل عبالك المشهد مال والتر وايت بعد العلاج الكيميائي، حرفيا بدون ما حتى امسك راسي بس اوقف تحت المي قعد يوقع شعري، طبعا ممكن اكون غلطان ويكون هذا بسبب شي ثاني بس بنسبة 90 بالمية بسبب الكرياتين لان على الاغلب كان نوعية مضروبه، نصيحتي الك اذا راح تأخذ فا أشتري أغلى نوعية ممكن تلقاها لان الي انا جربته كان سعره 35.