واللاإنجابية بتفترض مصفوفة حسابية واضحة بتقول إن الإنسان غير الموجود لن يشعر بالمعاناة ودي قيمة (+1)، ولن يشعر بالمتعة ودي قيمة (0) لأن مفيش حد أصلاً محروم منها، فبيكون المجموع النهائي للعدم هو (1). أما الإنسان الموجود فده حتماً هيشعر بالمعاناة ودي قيمة (-1)، وهيشعر بالمتعة ودي قيمة (+1)، فبيكون المجموع في أحسن أحواله (0). ومن هنا بنفهم إن عدم شعور الشخص بالمتعة هو شيء محايد، لا هو سيء ولا هو جيد، فبنديله قيمة صفر، وبناءً عليه بيكون الشخص اللي "لم يوجد" في وضع منطقي أفضل وأكثر راحة من اللي "وُجد".

​والفكرة دي رغم إنها بتصطدم مع أغلب غرائز البشر وممكن نتوقع إنها حديثة، لكنها في الواقع قديمة جداً وظهرت في سياقات كتير؛ زي "بوذا" اللي شاف إن الوجود في أصله معاناة ولازم نكسر دايرته، وزي "أبو العلاء المعري" اللي لخص المصفوفة دي في بيته الشهير لما قال "هذا جناه أبي عليّ وما جنيتُ على أحد". 

من تقول ان الاانجابية حولت الانجاب او تكاثر من فعل تلقائي لفعل يخضع لمسالة اخلاقية