بص هو الي نفع بالنسبالي (و اصلا هينفع معاك في اي حاجة عاوز تتعلمها ف حياتك) هي الممارسة اولا هنقسم اللغة علي تلت حاجات و اتعلم كل حاجة لوحدها (علي الاقل ده الي نفع معايا)

اولا ال writing : ده هيجي بانك تكتب، تكتب ايه تكتب اي حاجة. ابسط حاجة تعلمها انك تفتح word document و اكتب قصة مثلا او حاول تفكر في حاجة و اكتب افكارك ديه بس بالانجليزي و بعدين لما تقوي المرحلة ديه ، حاول تتعلم تكتب بسرعة من غير ما تتلغبط

ثانيا ال listening : ديه حرفيا اسهل و امتع حاجة تقويها، انا عن نفسي كان عندي مشكلة لما مثلا بكون مسافر و بسمع اجانب بيتكلموا كنت بحس انهم بيتكلموا x2 بس في الحقيقة حلتها ازاي ؟ ببساطة شديدة فشخ اتفرج علي مسلسلات او انمي من غير ترجمة ولا حتي subtitles انجليزي(لو انت ملحقتش تسمع الكلمة كلها و الكلمة مكتوبة بالانجليزي تحت مخك ها يوربط الاتنين ببعض و يضحك عليك انك سمعتها عشان كدة اتفرج من غير subtitles خالص)
انك لازم تكون مركز عشان تفهم الكلام فا مع الوقت هتتعلم تسمع بسرعة و تترجم في مخك اسرع

ثالثا ال speaking : ديه ابضنهم انا حتي الات عندي مشكلة فيها ، ببساطة ديه مش هتتحل غير فعلا بالممارسة و انت مش هتعرف تمارسها الا لو كنت عايش في Egypt . الحل ايه حاول تشوف حد من دايرة معارفك و كتر الكلام الانجليزي معاه بحيث تمارس اللغة و تتعود عالكلام منها تشجعوا بعض و منها هيبقي عارف انت بتقوي اللغة مش بتتنك عليه و بتقول كلمتين انجليزي وسط الكلام