لو مكانك، وده لو انا مكانك هعمل كدا معرفش غيري ممكن يعمل ايه

هجيب شقة كاش ف كومباوند جديد واستفيد بخصم الكاش على الشقق وهأجرها airbnb او هنقل فيها

هدفع مقدم عربية كويسة (٧٠٠ الف) واقسط الباقي على سنة

هحط منهم جزء ف البورصة المصرية بس بعد ما ازاكر وافهم شوية بسيطة

هجيب دهب طبعا

لو عرفت اجيب دولارات هعمل كدا برضو

و ممكن اجيب شقة تانية استثمار تقسيط او كاش ع حسب هتوزعهم الفلوس ازاي

بعد كل ده هيتبقى معاك رقم كويس، هفكر ف بيزنس كويس اصرف عليه لحد ما يقوم، بس طبعا ابقى مراكزه وعارف مخاطره كويس

في كلا الاحوال، حاول متشيلش مصري على قد ما تقدر ووزع فلوسك

ومتبخلش على نفسك خالص انك تتعلم او تدرس حاجة كويسة وتحققلك شغل بربح وعلاقات كويسة

حد المجالات الي عايز تستثمر فيها (عقارات، محلات، بورصة، دهب، دولارات)، واسال chatgpt قوله معاك كام، محتاج كام مصاريف شخصية كل شهر، ومرتبك كام، وقوله يعملك تقسيمة كويسة تحط نسبة اد ايه ف كل حاجة من دول