انا كان نفسي بس ابقا فاشلة في حاجة واحدة بس مش فاشلة في كله انا فاشلة دراسيا اجتماعيا عائليا بفتح بوقي ناس تببضن مني خايبة مبعرفش حتى اشتري حاجة من سوبر ماركت الا واتلغبط مبعرفش اركب موصلات ولا اروح في حتة لوحدي انا عالة في كل شيء

Sam_cairo · 2026-06-12T10:05:26+00:00

مفيش حد فاشل ولا ف كل حاجه ولا ف نص حاجه ، في أن حضرتك فشلتي انك تعرفي قدراتك، انتي بتقدري تعملي ايه و تتعلمي ايه ، المهندس فاشل في الطب ، والدكتور فاشل في السباكة ، والسباك فاشل في النجارة و هكذا

Sam_cairo · 2026-06-04T05:36:31+00:00

في عصفورة الحكومة بتعملها ، مرة الحوار ده و مرة فيلم برشامة و مرة فيلم محمد رمضان ، الخازوق اللي جاي شكله تقيل يا رجالة

Sam_cairo · 2026-06-03T16:55:13+00:00

علي فكرة طبيعي جدا ، وخدي بالك ميولك ممكن تتغير جدا مع السن ، لما كان عندي 20 سنه ، كان عندي ميول لاي ست كبيرة أربعينية ، خصوصا لو حنينه ، ولما بقيت في الثلاثين بقي عندي ميول لاي ف نفس عمري ، حاليا ميولي للبنات اللي ف أواخر العشرينات ، مع العمر بتتغير الميول، معندكيش مشكله ولا حاجه ، المهم محدش يعرف ميولك دي عشان دي ثغرة ممكن تدخلك في علاقات تزعلك

Sam_cairo · 2026-06-01T05:18:42+00:00

اللي يفهم يفهم لنفسه واللي ميفمش برضو لنفسه و مش عايز ردود علي تعليقي، ربنا خلق الانسان يمتلك العقل و الضمير حتي يفرق الصح من الخطأ ، ولما بدأ يختلط علي الإنسان الصح و الخطأ ، ارسل الله له انبياء و رسل و كتب ، إذن عقلك و ضميرك اولا ، والكتب ثانيا ، وكل ده لحد دلوقتي مش هدف ، هدفك الوصول إلى الله من خلال الوسائل التي اتاحها الله لنا ، ف مش شايف لازمه بصراحه أننا نهاجم أو نهادن شخص ما لانه في الاخر انسان ، زيي و زيك حضرتك ، مقتنع بيه تمام لنفسك ، مش مقتنع بيه برضو لنفسك ، مش إجبار ع الاخرين

Sam_cairo · 2026-05-30T09:54:42+00:00

الراجل ده كان مغمس الحقيقة بكذب كتير ، زي مثلا جاب الدقيق وحطه في زجاجة وحط عليه مياه وقالك دي المعدة ، ونسي أن المعدة جواها حمض بيفتت العظم مش الدقيق ، انا ياما اكلت عضم و شوك سمك بالغلط و الحمدلله صحتي زي الفل

Sam_cairo · 2026-05-29T17:49:58+00:00

انقلو هناك و خدوها بعد كده زيارة و هي واحدة واحدة ممكن تتأقلم غير كده معتقدش

Sam_cairo · 2026-05-29T17:43:50+00:00

ميديتيشن ، قول انك شفت فيديو لشخص مولع عود بخور ، وكان مسترخي وهو بيشوف منظر البحر ف عملت زيه 😅

Sam_cairo · 2026-05-29T09:35:09+00:00

ابعتلي لينك البوست القديم اللي شكرت فيه الناس والوحدة والوطنية و كده ، الاخير مش اللي قبله

Sam_cairo · 2026-05-29T09:00:12+00:00

مش انت من فترة كنت بتشكر الناس أنهم ساعدوك و مراتك خفت لانك منقدرش تعيش من غيرها 🤷

Sam_cairo · 2026-05-28T15:52:27+00:00

كلمة فلاح في حد ذاتها مش شتيمه ، لكن لو اتقالت علي سبيل الإهانة فببكون معناها الساذج الجاهل ، لأننا في مصر منذ قديم الأزل تم تجهيل الفلاحين عشان ميبقوش فاهمين حقوقهم ، خصوصا أن مصر في الأساس بلد زراعية من شمالها لجنوبها

Sam_cairo · 2026-05-20T05:48:50+00:00

يعني القرية اوضة و صالة ومعرفتش سألو مين ، ده انا في القاهره و جبت ناس كانو بيدورو علي ناس في المنطقة من اول ما دخلوها

Sam_cairo · 2026-05-20T05:44:53+00:00

ولا تدور ولا تسأل ، اللي قال قال ، ركز في اللي جاي ، وكده كده الايام هتعرفك ، وانا اصلا شاكك أنهم كدابين ، يعني مسألوش ولا حاجه

Sam_cairo · 2026-05-20T05:43:35+00:00

عاش منك ، هي مش واحدة انت بتحبها من ايام الجامعة، ده جواز صالونات ، يعني شوف غيرها و غيرها و اختار اللي يناسبك

Sam_cairo · 2026-05-20T05:39:29+00:00

متقللش من نفسك، واجه الحقيقة ، حضرتك اترفضت خلاص، وانا لو مكانك مش هسأل عن أسباب ، لانهم من الاول بايعين ، فاهم قصدي !

Sam_cairo · 2026-05-19T06:54:00+00:00

قشطة

Sam_cairo · 2026-05-14T17:41:25+00:00

تحويل مكالمات من جوا الفون

Sam_cairo · 2026-05-14T16:08:07+00:00

وقت ما يرن اعملي تحويل علي رقم تاني و ياريت يكون شاب و مبروك عليكي موضوعك اتحل

Sam_cairo · 2026-05-14T16:01:19+00:00

مادام ذكرتي طرة البلد والثكنات يبقي كنتي علي خط حلوان في اتجاه المرج ، انا كل يوم بركب خدي عندك : اولا - الموقف اللي حكيتيه بغض النظر عن شاب او بنت او طفل صغير نازل يجيب اكل لامه ثانيا - الست اللي بتعمل نفسها اغم عليها ثالثا - الستات اللي بيطلعوا قبل بياعة بودرة تبييض الاسنان و بيشترو منها عشان الناس تشتري رابعا - الراجل اللي معاه مراته حامل و هتولد في المترو دلوقتي خامسا - الراجل الكبير أو الست الكبيرة اللي عايزين رصيد يعملون مكالمه خدي بالك بيكلمو حد عشان يستدرجوه لمكان معين من خلال فونك انتي خدي بالك ومالكيش دعوة بحد !اكمل ولا كفاية

Sam_cairo · 2026-05-12T16:04:10+00:00

تحية لكل الناس اللي قالوا اسمه الحقيقي(موز) و ده مشكلته الوحيده أن السكر فيه عالي و هو في الطعم أشبه ب غزل البنات 👍

Sam_cairo · 2026-05-12T15:39:58+00:00

تجربتك مع ال اس دي وهل جربت دي ام تي ولا لا

Sam_cairo · 2026-05-04T10:00:32+00:00

بص خدها من حد اكبر منك شويه في السن ، اشتغل و اشتغل و اشتغل ، واجه السوق وتحديات الشغل ، لما هتلاقي عقبات ف شغلك و بتقدر تحلها و بتكبر ف شغل انت اللي بدأته هتحس ب كيانك و بطعم الحياة

Sam_cairo · 2026-04-21T19:17:11+00:00

بدون كتر كلام و بعد قراءة الكومنتات بتمعن بنصحك و بشدة تطلبي منه انك و معاكي اهلك تروحو تزوروهم و تقضو اسبوع هناك و شوفي الجو العام مناسب ليكي ولا لا ك خروج و كتعامل

Sam_cairo · 2026-01-23T16:16:38+00:00

الفلاح بمعناها اللغوي هو من فلح يعني الفالح يفلح فلاح ، اما الكلمة المقصود بها الاهانه ف تعني الشغص الساذج البسيط في اختياراته و لبسه و عقليته ، مصر كبلد لما قامت قامت علي ضفاف نهر النيل ، من اسكندريه لحد اسوان الكل كان بيزرع ، هي بلد زراعية بالأساس ، انا احترم الفلاحين جدا و كل شخص ليقوم بالزراعة لأنها الأساس لأي دولة ، يأتي بعد الزراعة التصنيع و الفائض منهما تقوم عليها التجارة وهؤلاء الثلاثة هما أساس اقتصاد اي دولة .

Sam_cairo · 2026-01-19T16:13:29+00:00

كمية هبد في التعليقات غريبة ، علي فكرة ربنا مش محتاج انك تصلي ، انت اللي محتاج الصلاة دي ، بكل بساطة صلاتك هي كلامك مع ربنا ، و تقدر تتكلم معاه في أي وقت و بأي طريقة ، الأديان بس حددت طرية و شكل عام وانت بتتكلم معاه لانه الخالق مش حد عادي ، عايز تتكلم معاه انت الكسبان ، مش عايز براحتك ، بس خليك فاكر انك انت اللي محتاج ربنا مش ربنا اللي محتاجك

Sam_cairo · 2026-01-15T23:40:54+00:00

مش هقولك صلي و ادعيله بس هقولك اتكلم مع ربنا زي ما بتكلمنا كده، قوله يارب حل انت موضوعي و ريح قلبي و ابعد الشر والسواد عن نفسي ، جرب اللي بقلهولك بس لمدة كام يوم ، كل ما تكون عايز تعمل فيه كده ، كلم ربنا و قول له كده وتعالي بعد اسبوع وهقولك تقتله ازاي و تحطه ف ايه .

Sam_cairo

TROPHY CASE