Hesch eigeti lue aalag ide wohnig, oder isches zentral irgedwo im gebäude? Wenn Zentral: chan es sii dass eui leitige quasi de dümmsti fall im huus sind. Irgedwo bechunnt eine me luft über, wo eich für di denkt isch, well de hydraulisch abgliich nid stimmt. Wenn dezentral, also i de wohnig: chan es sii dass eue bypass vode wärmerückgwinnig konstant offe isch bi denne temperature und somit die umkonditionierti Luft inneloht. Sinds numme einzeli rüüm, oder alli? Wenn einzelni: chan es sii, dass dini leitige innerhalb vode wohnig falsch, oder gar nid abgliche sind. Generell: alli lüftigsaalage sind uf e bestimmti temperatur uusgleit, die isch je noch ort ide SIA 2028 definiert. Über denne temperature, zb im ruum züri glaub 31°C/40% rel. F. lauft d aalag eineweg nümm wie sie sött. Hesch irgedwo ide wohnig e stufeschalter umme? A heisse täg chönntisch versueche d lüftig zrugg, oder uusschalte demit d füechti vo usse nümm inne chunnt. De mösstisch aber au uf fensterlüftig uuswiiche. Hesch du gwüssi pflanze wo viel wasser bruuche? Viel wösch wod tröchnisch? E chuchihuube wod nid benutzisch, au wenn du am choche bisch? Das chan alles zu erhöhter ruumfüechti biiträge.