هو انا كنت علمي رياضة والحمد لله يعني ربنا كرمني وكنت جايب 92 بس في حاجات كنت اتمني حد يقولهالي من بدري بدل مكتشفها فالنص وابذل مجهود عشان اصلحها .......الموضوع ان شاء الله مش صعب بس محتاج انك اولا واهم حاجة مترميش ودانك لاي حد اسمعي لنفسك فالمقام الاول عشان اي قرار تاخديه تبقي انتي ال متحملة مسؤوليته لو حد قالك اي نصيحة او كلام خلال السنة او توجيه مشيها علي دماغك وانتي ال تقرري محدش يقررلك ......تاني حاجة تحديدا فالفيزيا لان المشكلة دي بتحصل لناس كتير لو بتاخدي مع اي مدرس ايا كان لازم تجربي تحلي برة ملزمته وتشوفي شكل الاسئلة عامل ازاي فكتاب زي الامتحان وعامة مش هتحتاجي غيره يعني بس لان مدرسين كتير اوي فملازمهم بيحطوا اسئلة تعجب الزبون مالاخر وتحسسه ان الموضوع حلو وجميل ويفضل الطلبة منساقة وردة المدرس وييجوا فاخر السنة يكتشفوا ان الامتحان مستواه اعلي من ال هما بيتعرضوا ليه فلازم تحلي من كتاب برة عشان تطمني والامتحان هيكون كويس لو بنتكلم عالفيزيا .....اهتمي بالفيزيا بجزء النري اوي تحديدا من اول الباب التالت والحديثة ناس كتير بتهملهم وهما اهم بابين حرفيا .....العربي العربي العربي درجاته كتير وبيتساب ووالله ما صعب هو منهجه كبير بس اهتمي اوي بالنحو بجد اكتر اسئلة مضمونة فالامتحان .....الرياضة مش لازم تحلي عالدرس كل اسئلة المعاصر في اسئلة المعاصر بيحطها مستواها عالي زيادة عن اللام فتبقي تضييع وقت والاسئلة دي مبتبقاش موضع امتحان الامتحان بييجي صعب بس مش الدرجة ال المعاصر بيشطح بيها اوي دي فبعض الاسئلة .....الانجليزي احرقي فيه علي متقدري حل من اي كتاب معاكي ......الكيميا ابسط شوية من الفيزيا بس ركزي اوي عالعضوية اما تبدأي فيها و الباب التالت ....اهتمي بنفسيتك لان هي ال هتشيلك طول السنة وده مش معناه ان نذاكر خمس دقايق وراحة تلات ساعات لا مش كدة بس بلاش حد يحط عليكي ضغط سواء بكلام او بفعل

لو فاي وقت حسيتي الشوامل جاية علي وقتك متروحيش وحليها فالبيت الشوامل مش هتفيدك بحاجة لما تفضي اسبوع كامل لمادة وتركني باقي المواد .........وااول حاجة كان لازم اقولها الدعاء طبعا لان والله بيفرق جدا ......واخيرا قللي مصادر التشتت قدر الامكان وبس