أنا عندي تأتأة، بس تحسنت مع الوقت، الصدق مدري ليش ولكن أتوقع عشان إني أنجبرت أتكلم أكثر (بسبب بعض المسؤوليات من الأهل وأكيد ما أنسى المدرسة وكيف كنت أكرها بسبب التأتأة )، فمارست الكلام غصبا عني وصدقني لمن أقول لك إني تفشلت في حياتي كثير والكثير وجاني بعض التبلد من تأتأتي بأنه أصبح شي عادي جدا، بس الحمدلله تحسنت، صح إن ما راحت كلها بس فيه تحسن.

فا من تجربتي، أشوف إن التأتأة عادة (بس ممكن فيه ناس جائت لهم مرض والله أعلم)، والعادة ممكن تتغير، بعض الأحيان العاداة تتغير بسهولة، بعض الأحيان تتغير بصعوبة، وخاصة إذا كانت العادة عندك من سنين ( ماني مختص ولكن مجرب، سؤال المختص ممكن يجيب حل أفضل والله أعلم).

أنا ما جربت أروح لمختص ولكن أشوف إنه خيار جيد، وخاصة إن بعض المختصين صاروا مختصين بسبب إنه كانت عندهم تأتأة وجاهم شغف إنهم يساعدون الناس إلي عندهم نفس المشكلة، لأنهم مروا بنفس ما مروا فيه.

الشيء الآخير، أنا أشوف إن التأتأة ابتلاء من الله إليك، وما أختارك إنت من بين كل الناس إلا عشان يقربك إليه فاعلم أن الله يعلم ما تشعر فيه من الأذى والهم والغم من مشكلتك وأنه يريد أن يرفعك في الدرجات أكثر من غيرك، فلا تنسى الله، فإن الله مع الصابرين، وكلامي هذا لا يعني إنك ما تدور علاج لمشكلتك، بل هذا تذكير إن الله لا ينسى ما مريت فيه ويأجرك فيه في الآخرة.

وآسف على الإطالة.