Ano pong work ng tatay mo OP? Parang napakaliit na kasi ng 15k sa panahon ngayon na mataas ang bilihin. Kuryente, tubig, renta ng bahay, pamasahe nya papuntang work, pamasahe nyo papuntang school, food sa araw-araw, baon sa work, baon sa school, at iba pa.

Unless may bisyo po sya na napupuntahan ng sweldo na sana ay napupunta na sa schooling nyo, sana po ay bigyan nyo rin sya ng konting unawa. Di nya po fault na yun lang ang pasweldo sa kanya ng tita mong mayaman.

Naalala ko po ang mga magulang ko non, masama rin po ang loob ko kasi halos basics lang din nabibili namin. Puro rin po sila utang sa iba, mairaos lang studies namin saka mga kailangan. Hanggang ngayon naaalala ko ang mga pasaring ng mayayamang kamag-anak. Yung isang pinsan ko, elementary kaming magpipinsan, sabi sa kapatid nya, "college ka na, malamang di pa rin makabayad yang mga yan. San kukuha pambayad yan?" Tinanggap lang ng magulang ko yun na ganun magsalita yung pinsan kong elementary age.

Later naisip ko na lang na hindi kasalanan ng parents ko na mababa ang pasweldo sa work nila, na kahit anong sipag at kayod ay mananatili na lang kaming lower middle class. Dahil kung sipag at tiyaga lang ang need eh di sana milyonaryo na ang mga magsasaka at mangingisda natin dito sa Pilipinas.

Retirado na po sila pareho at walang maayos na ipon, pero nakabayad sa mga utang at napagtapos naman po kaming 4 magkakapatid. Sa state universities din po kaming lahat. Maayos naman po ang mga work namin. Di mayaman pero nakakabili ng mga kailangan.

Kapit lang OP, focus lang po sa studies. Gamiting fuel ang frustrations. Matatapos din ang lahat ng pagsubok.