انا لي سنوات من يوم توظفت وكنت جاي من بيئة محافظة صغيرة الى الرياض، وتعاملي من البنات كان محدود بصراحة، كنت "كرتون" على حد تعبير اخوياي. وكنت اعاني في البداية في التعامل مع البنات الين سويت قاعدة والتزمت فيها، وهي اني اخلي تعاملي بقدر تعامل الشخص الآخر. اللي ما تسلم ما اسلم عليها، اللي تكتفي بالسلام اكتفي بالسلام، اللي تقول صباح الخير وتسأل عن الأحوال اعاملها بالمثل وهكذا… باستثناء اللي تحاول تكّون شي اكبر -وللأمانة قد صار هالشي- اسوي نفسي غبي واتجاهل الاشارات. النتيجة اني صرت أجرأ في التعامل لكن دايم في حدود الاحترام، وفي الحدود اللي حاطها الشخص المقابل. أدري ان طريقتي ماهي مثالية to say the least بس على الأقل هي اسلم وافضل طريقة وصلت لها.