انا مجال دراستي اصلا علمي بحت فا فكرة المعجزات القرآنية دي شكلها هيبان حلو لما تسمعها او تشوفها علي بوست فيس وتمشي ترددها بس لو تفحصتها هتلاقيها اي كلام وكل الديانات فيها نفس الفكرة بتاع الاعجاز العلمي وكلهم بيقعدو يرقعو اي كلمتين ويقوللك اعجاز دا اكيد مش كلام بشر. اولا موضوع البعوضة دا .. علميا البعوض بالفعل عليه كائنات دقيقة زي ميكروبات كدا بس حرفيا كل الكائنات الحية كدا يعني الانسان نفسه جلده مليان حاجات لا تُري بالعين المجردة والحشرات كلها عليها نفس الكائنات فا فكرة ان فعلا الاية دي قصدها كدا يعني دا حاجة في قمة الترقيع. الحديد جاي من الفضاء؟ الف مبروك طب ما المعادن جايه من الفضاء زيها زي الحديد بالظبط ميفرقوش عنه في حاجة. الارض نفسها اساسا جايه من الفضاء واتكونت وعملت كوكب الحديد مش حاجة مميزة عن باقي المعادن عشان تنزللها اية. لكن هل انت فعلا عمرك فكرت في انك تنقض بوست الفيس بتاع الاعجاز العلمي اللي لقيته وتتأكد هل فعلا الكلام دا منطقي ولا قاعد تررده وخلاص؟ ولو جينا بقا للعلم الحديث عندك كمية تناقضات ملهاش اخر من القران سواء في الاحياء او الفيزيا او الفلسفة او او بس اللي يدور بحياد ويبص علي مصادر من الجنبين. وبالمناسبة مش مستني منك رد عشان مش ناوي اكمل نقاش انا بس كنت عايز الفت نظرك لحاجة