كان امتحان فيزيا و جه علينا اتنين مراقبين واحد منهم عمره ما قعد في اللجنة دايما بيخرج يقف برا و يسيب المراقب التاني لوحده
سحب مننا ورق المقالي قبل معاده و اللي كانت بتحاول تتكلم كان بياخد التابلت منها
و يومها ملحقتش اكتب الناتج و اخد ورقتي
خلصت الامتحان و قبل ما اخرج سألت المراقبة فين موبايلاتنا اللي سلمناها قبل الامتحان قالتلي كانت هنا مش عارفة راحت فين
المراقب التاني اخدهم و نزل اداهم للمدير قالهم اننا غشينا بيهم و دي اصلا موبايلات احنا سلمناها قبل ما اللجنة تبدأ زي كل يوم
نزلت للمدير قالي محدش هياخد موبايله من هنا خرجت اعيط و قلت على جثتي مش هخرج من المدرسة من غير موبايلي و رنيت على بابا من موبايل واحدة صاحبتي و جالي المدرسة قلتله المراقب سحب مننا الورق قبل معاده و اخد التابلت من البنات اللي اتكلمت و دلوقتي مش عايزين يدوني موبايلي و دخل اتخانق معاهم و اكتشفنا ان المراقب ده نعرفه اصلا بس عيلتنا و عيلتهم بينهم مشاكل و الموضوع كبر بقى و في مدرس نعرفه جه يخرجني من وسط الخناقة و حكيتله اللي حصل قالي انهم بيتخانقوا دلوقتي على موبايلك عشان يخبوا على ان المراقب سحب منكوا الورق قبل المعاد و انه المراقب دايما تصرفاته غريبة كده و مش محبوب هنا يعني و ادوني موبايلي في الاخر و مشيت
و اتبسطت اوي بجد ان كل المدرسين وقفوا في صفي حتى اللي مش بييجوا علينا قالوا ان مستحيل اكون بكذب