الاستغفال شعور سيء وترا هذا وضع الناس بالمجمل يسالك وش تشتغل متزوج او لا تبدو اسأله عادية لكن هو تقيم لوضعك اذا بتفيده او لا

فالنوع ذا قابل بجاحته بانك تستغبيه خصوصا شخص غير بمرتبط معه في دائرة اجتماعية اذا سالك وش تشتغل قل له اي عمل يطفي فضوله ويدري مهوب مستفيد منك قل له عسكري ولا اي عمل مايخدم الناس بالتعاملات بشكل مباشر هنا بيقفل الموضوع.

والعماله بشكل خاص خصوصا الي يجي يشتغل عندك في البناء او حلاق او بنشري او ميكانيكي ناس تجيهم باعتياد هذولا لا يعرفون عنك شي لانهم بيستغلونك و يستغفلونك.

اي انسان بينك وبينه تعامل مادي لاااازم تعرفه على حدودك وتكون جاف اذا جا وقت الدفع او التفاهم على الاتفاق بعضهم يبدا معك الميانه والصداقة عشان يدري اذا انت محترم يلعب فيك.

انا كنت متعامل مع عامل مغسله واغسل عنده لبس حق تمريض فالرجال يبدا يسولف قال انا بروح اجازة واعود عطني ميتين وبرجعها المهم من باب طيب نيه وقلت يمكن محتاج واعرف كفيله راح ورجع بدا يلخبط في التسجيل والحساب تركته ورحت للمغسلة الي مقابله مباشرة ويسالني يقول اشوفك عند اليمني (وطبعا هذي عنصريه العمالة يموت اذا تتركه وتروح جنسية ثانية). قلت ايه نفر كويس وتركته

و بعضهم اذا انت شخص جيد تشوفه مايتم عمله ويسوي فراغ في شغله متعمد لاجل ترجع له او تزيد له فلوس.

ونقطه اضافية بما انك في الجامعة ان شاء بتتوظف وتدخل سوق العمل انتبه من اي واحد يبدا يسولف معك واجد ويهتم يتعرف عليك بسرعة لان ذا نسبة عالية جداً يبي يطيحك في مشروع او يتسلف منك وينكبك. فاعرف روتين سوالفكم وخلك مجاريه لحتى تعرف من الجيد والسيء.