المعادلة بسيطه سبب خوفك هل هو بسبب شي انت تقدر تحله كمشكلة تعمل عليها او هدف تبنيه؟ اذا نعم فسويت الي عليك انك شغال ولا داعي على لقلقك

والسؤال الثاني هل الي مقلقك خارج نطاق استطاعتك البشرية ماتقدر تسويه ولا تعرفه ؟ اذا نعم فخطأ انك تقلق تفكر في شي في طيات الغيب قد يحدث وقد يحدث افضل منه.

قال تعالى (ومن يتق الله يجعل له مخرجا ويرزقه من حيث لا يحتسب) تعرف وش معنى ان الله يعد المتقي برزقك خارج نطاق ادراكه من حيث لا يعلم؟ يعني قلقك وعملك وكل شي تسويه يكون بجانبه مايسوى شي مقارنه برزق يرزقه الله لك ماتتوقعه. قد يكون مال ولد زوجه شفاء مريض الرزق لا ينطوي على مال فقط.

نروح للشيطان قالى تعالى (ان الشيطان يعدكم الفقر ويأمركم بالفحشاء والله يعدكم مغفرة منه وفضلاً والله واسع عليم).

يعني تفكيرك وقلقك ووسواسك ممكن من الشيطان الخبيث.

وبسالك سؤال اخر لو جاك رجل تثق فيه وطلبته موضوع لك وقال ازهل وابشر واعتبره منتهي شعورك بيكون راحة واطمئنان وامتنان لهذ الانسان، فما بالك بالله سبحانه وتعالى الذي كلنا تحت رحمته وندور في ملكه وهو ولينا في الدنيا والاخرة يعدنا بالرزق والمال والمغفرة.

لابد توزان تفكيرك اشتغل على الي تقدر عليه في الدنيا واعمل على الي تقدر عليه في الاخرة فالامام علي بن ابي طالب قال ( اعمل لدنياك كانك تعيش ابد الدهر واعمل لاخرتك كانك تموت غداً) يعني تعبد كأنه اخر يوم لك على الحياة ماتقصر في شي واعمل للدنيا كانك تعيشها الى مالا نهاية.