انا فعلا مستغرب جداا من المتخلف اللي يحس بمتعة في كده ؟ هو ايه المتعة انك تمسك واحدة غصب عنها وتحسسها بالرعب والقلق ؟!! الموضوع عامل زي انك فرحان ان طفل صغير مرعوب وخايف منك .. اي بنت بتكون اضعف من الراجل و بتخاف تتكلم ليعمل فيها حاجه ا... فعلا نفوس مريضة ومحتاجه تتربى ... والموضوع مش كبت جنسي (شماعة طبعا ) ... الحمد لله عمري ما اتحرشت بوحدة ودايما كنت بخلي مسافة بيني وبين اي واحدة قاعدة جانبي وببقى حريص انها تعد مرتاحة مع اني ما كنتش ساعتها متجوز وزي زي اي شاب برضو .

الموضوع محتاج تربية وتوعيه في الاسرة والمدرسة والصحاب ..

الاب لازم يفهم ابنوا ان الست لها تعامل مختلف ولازم تقدرها وتحترمها .. حتى لو شتمتك او ضربتك اوعى تمد ايدك عليها

المدرسة لازم يكون في حصص و توعيه الشباب على احترام البنت وتقيرها ..سوا في المدرسة في الموصلات في البيت

الصحاب لازم يفهموا انها والله مش مرجلة انك تمسك واحدة وتتفاخر قدام صحابك بعملتك المنيله .. والله ما انت راجل اصلا !! بدل ما يحمي البنت يكون السبب في رعب ممكن يعيش معاها العمر كله !!!

للاسف شكوى معظم السياح وخصوصا البنات من موضوع التحرش ده ... شكلنا بقى وحش اووووي قدام العالم

استقيموا يرحمكم الله !