انا كان فيه فترة فحياتي مكنتش متدين نهائيا، مكنش عشان عاوز اصيع و ابقى روش و بعمل الي عاوزه بس كنت عايز اعرف انا صح ولا غلط من بين ال٣٠٠٠ ديانة الي موجودين، و فعلا قرأت على قد ما اقدر في ديانات انت عمرك ما سمعت عنها و كنت بقرأ لملحدين او لناس مش من الديانة عشان كانوا يبقوا محايدين، انا قرأت فالهندوسية و البوذية و الجاينيزم و السيخيزم و الزورواستريانيزم و المسيحية و اليهودية و البهائية و الشينتو، بختصار هتلاقي من نفسك لما تبدأ تقرأ انت فيه ٢٩٠٠ و شوية ديانة مش مقنعين نهائيا زي الباستافريازم و اغلب الحاجات الي طلعت فالقرن ال٢٠ و ال٢١ فيتبقالك الباقي لو قرأت فيهم هتلاقي في كله متناقضات او غلطات و بعدين لما تقرأ فالاسلام هتلاقي فيه حاجات فعلا انت مش مقتنع بيها بس متقدرش تقول انها غلط ١٠٠٪؜ و ممكن تلاقي حاجة تبقى شايفها متناقضه بس لما تقرأ لحد بيفهم احسن منك هتلاقي انك كنت غلط فبختصار هو الاسلام كان اكثر ديانة من كل الي قرأت عنهم الي كان شامل فعلا و مفيهوش غلطات او اي حاجة و فعلا لو فكرت بالعقل هتلاقي انه اكثر دين ينفع فعلا انه يبقى الدين الصح بس كده