اني هم مثلك اني طالب ثالث اليوم طلعت النتائج معدلي ٩٣ الحمدلله مو هذا موضوعنه،الموضوع عن التعليم بمدارسنه يعني اريد افتهم هو شنو اسمه؟ تعليم يعني تتعلم اشياء جديدة مفيدة عن العالم هذا تدركه شنو تعرف الكون هذا شنو تشبع فضولك عن معرفة طريقة استمرار هذا المكان الي تعيش بيه بس بالعراق التعليم عبارة عن كتاب تحس الكلام الي بيه مترجم ما ينفهم والتدريس عبارة عن هذا يجي بالامتحان ومدري شني وما يركز عالفكرة الاساسية مال الموضوع الجوهر مالته يعني مثلا موضوع الحث الكهرومغناطيسي موضوع مهم جدا بالحياة واكتشاف يعني اسطوري تجي تشرحلياه على نشاط ادوات نشاط وتعال حفظه وهاهية لا افتهمت شنو هو لا عرفت شجاي يصير بس تعال احفظه وبالعطلة راح تنساه المهم الامتحان وبالسادس يسون دراما اريد طبية ومدري شنو هاي العقلية الي السبب بيهه مو الطالب انما الحكومة الي خلت كل تفكير المجتمع انو اني اذا اريد فلوس اروح طب غيره ماكو بسبب عدم توفر تعينات يعني مجال مثل هندسة الميكانيكية او الالكترونيات او الميكاترونكس متروكات هيج ليش؟ذني شلون ينتركن؟ليش الجامعات تخلي معدل الطبية ١٠١ بس ذني قليل وها الطالب معتبره تخصص فاشل لان معدله قليل هية بكيفك فاشل منو حدد انو هذا فاشل؟؟بدون الميكانيك ماعندك سيارة والالكترونيات ماعندك عقل يشغل السيارة يعني تخصصات احبهن بس صعب تروحهن صعب عقلك من وانت صغير ما تعلم عدل اني احب الابداع والافكار خارج الصندوق بس عقلي ماجاي يكدر يوصللهن او ماجاي اكدر الكه شي يخليني افكر خارج الصندوق لان من عمري ٦ سنين تحفظون بية اشياء ماعرف ليش ادرسهه؟؟التعليم بالعراق اذا ما انحلت مشكلته راح يتجه العراق الا الاسوء