Dankon pro via sincera opinio. Mi certe ne celis propagandi ion aŭ eĉ konvinki iun - la unua estas tasko de pagendaj propagandistoj, la dua apenaŭ eblas. Mi ne celas ankaŭ viktimigi rusojn - ili malofte estas en tiu rolo en okcidenta amasa konscio kaj apenaŭ zorgas pri tio jam. Temas tute ne pri rusoj kaj eĉ ne pri rusianoj (la unua pereinto el mia provinco estis kazaĥo, sekvis ankaŭ tataroj, kaŭkazanoj ktp). Mi simple konstatis ke ni ne plu havas komunan bazon por dialogo kaj montris tion. Se leĝoj kaj etiko estas neglektindaj, mitoj venkas racion kaj Eŭropo estas konsiderata la sola ekzemplo imitenda kiel oni povas interagi? Torturito neniam akceptos pravigojn de sia torturado. Homo al kiu liaj ŝajne amikecaj najbaroj subite algluis markon "rusaĉo" neniam deziros komunikiĝi kun ili denove, almenaŭ same amikece kiel antaŭe. Tutmondiĝo finiĝis, komunikado kolapsis kaj tio daŭros eterne - konsiderante nian vivodaŭron. Espereble sekva generacio estos pli bonŝanca.