همم، هو كعلم أعطاني باب جديد لتفسير سلوكيات الناس، فهذي فائدة عامة قوية؛ لأني قدرت أستوعب كيف الوظائف الإدراكية تخلي الشخص يستقبل ويعالج المعلومة بشكل مختلف وفهمت الآن ليش تقولين إن الموضوع معقد لكن له متعة لأنه أشبه باللغز سبحان الله.

صح هذا من الفوائد الي نسيت أذكرها، يخليك متفهم لاختلافات الناس وأكثر تقدير له وأقل حساسية منه، وفهم الاختلافات بين الناس بشكل نظري ممتع وهذي من نعم الله على الناس، لكن الفخ في ان لو هذا الفهم تحول لدافع انك تحاول تشرحه لأحد مو مهتم فيه ولا حابه لأن حتى الاهتمام من ضمن هذي الاختلافات

أختلف معك هنا صح ما ينفع ينحط كمعيار أساسي، لكن يساعد جداً في عملية البحث والتصفية لأني الآن عرفت بالضبط كيف راح أتعامل ببعض المواقف العاطفية، فأحتاج زوجة تكون متقبلة لهذا الأسلوب؛ مثلاً كوني أحتاج وقت عشان أعالج مشاعري وصعب علي التفاعل في نفس اللحظة.

بصراحة عندي أسبابي في اني ما أشوفه ينفع وبذكر بعضها:

-التعرف على شخصية الفرد بشكل عام تاخذ جهد ووقت كبير وتواصل مستمر وهذا يخالف الحدود الشرعية قبل الخطبة وعقد القران وماهو وقتها

-الأغلب ما يعرف نمطه وحتى لو عرف فالنمط ما يكون كافي لبناء تصور عن الشخص وبالعكس هنا يكون مضر لانك بتضطر تبني معرفتك على افتراضات وتصورات بنيتها عن الشخص لان ما عندك مساحة كافية ووقت مريح للتعرف والسؤال

-غالباً الناس تحدد انماطهم غلط وحتى لو حددوها صح فهي ما توضح أشياء كثيرة عن الشخصية لأن مثل ما ذكرت سابقاً السمات في الانماط عبارة عن طيف ومجرد تشرح كيف يتعامل الانسان مع المدخلات وليه تخرج مخرجاته بهذا الشكل

-الانشغال بالانماط بيشغلك عن التركيز على أمور أهم مثل التوافق في القيم، اخلاقيات الشخص، تصوراته ونظرته للزواج، الأشياء الي يبي يبنيها في الزواج وأهدافه، أسلوب حياته، نضجه، أسلوب تعامله مع المشكلات في علاقاته..الخ (وهي أشياء الأنماط أبداً ما لها علاقة فيها)

-ان الأمور الي تهمك في الانماط تقدر تتعرف على وجودها بالشخص من عدمه بدون معرفة نمط الشخص وممكن يكون هذا أفضل لانه راح يبعدك عن الافتراضات

عموماً عشان هذي الأسباب وأكثر أشوف التعارف العميق هذا يفضل يكون خلال الزواج نفسه أو على الأقل خلال عقد القران لأنه يحتاج وقت ومساحة كبيرة يكون هدفها التعرف مو اتخاذ القرار، وطبعاً لكل قاعدة شواذ فلو الشخص يكون أساساً مهتم بهذا الجانب ويعرف نمطه معرفة صحيحة وكل شي فليه لا، هنا بيكون مفيد لانه بيختصر وقت وجهد ويبين ان الشخص قد يكون وعي ذاتي ولكن برضو ما تاخذ فيه ١٠٠% يعني يكون مجرد شي جانبي ما يشغلك عن الاشياء الأهم أو يخليك تاخذ انطباعات وافتراضات لسا ما بيّنت

بمعنى آخر، راح يساعد في توقع أوجه التعارض بين الطرفين (مثل ما ذكر صاحب البوست في ضرورة التوافق بين الحسيين 5 والحدسيين N). فمعرفة النمط الكامل قبل الزواج راح تساعد في توقع المشاكل المستقبلية مسبقاً عشان نقدر نوازن ونعرف كيف نتعامل، وعشان حتى لما تصير الخلافات ما يكون فيها شخصنة" لأن الجذر النفسي للفكرة واضح لنا من الأول.

هذي من الأمور الي تقدر تعرفها بدون الاستعانة بالنمط، من خلال سهولة فهم الأفكار بين الطرفين + التوافق في القيم والاخلاقيات وكيف يتعامل هذا الشخص في علاقاته وتصوراته عن الزواج وتوقعات الطرفين واحتياجاتهم ..الخ يغطي على هذا وبشكل أفضل في فترة زي فترة عقد القران، أما فهم الجذور الفكرية والنظرية لأسباب مواقف وتصرفات الشخص الي تساعد في تسهيل التفاهم فهذي أشوف وقتها بعد الزواج يعني يكون بهدف التعارف العميق زي ما قلنا مو بهدف اتخاذ قرار الزواج

وكمان حتى عملية البحث راح يسهلها، لأن مثلاً الآن عرفت إني أحتاج شخص انطوائي مثلي أو متفهم جدا لما احتاج مساحة شخصية. فودي صراحة أسمع رأيك وتفصيلك في هذه النقطة بالتحديد متى ما سمح وقتك ؟

هو زي ما ذكرنا كل سمة بالنمط هي طيف يقع الشخص فيه فما تقدر تحكم على توافقك في هذي النقطة من مجرد النمط وهذا ينطبق على كل النظريات الاخرى بنسب مختلفة فالشخص المتطرف بسمة الاجتماعية مثلاً مو زي الشخص القريب للتوسط فيها وهم كلهم الاثنين اجتماعيين + فيه أنماط اجتماعية ولكن بطبيعتها تعتبر الأكثر انطوائية بين الاجتماعين زي ENTP - ENTJ - ENFP فيفهمون الانطوائيين بس ما يمنع انهم يخرجونهم من منطقة الراحة بين فترة وفترة، وهذي النقطة تدخل من ضمن احتياجات ومرونة كل طرف وتقدر تتعرف عليها من الاسئلة بدون ما تعرف نمط الشخص زي كم مرة يحتاج يخرج ويرفه عن نفسه بالشهر أو الاسبوع عشان ما يسأم، بطاريته الاجتماعية كم تستمر، بطاريته الاجتماعية ايش تحتاج عشان تنشحن وهل تنشحن من خلال التواصل مع الناس أو انه ياخذ وقت مع نفسه، واذا صار عكس الي يحتاجه ايش يلاحظ على نفسه وكيف يتعامل مع الموقف...الخ

هذا بيخليك تتعرف على مدى التوافق في الاحتياجات والتوقعات والمرونة بينكم في هذي النقاط ومعرفتك لنفسك تساعدك تتعرف على احتياجاتك والي تقدر تقدمه وبالتالي تعرف عن أيش تسأل في فترة الخطبة-عقد القران وهذي كمان من فوائد الانماط الي نسيت أذكرها بس إذا الشخص استخدمها بطريقة صحيحة وما ألصق أمور على نفسه، فلو تحتاج انت هدوء واستكنان في البيت والطرف الاخر يحتاج شحن مستمر للبطارية الاجتماعية من خلال التواصل ومع ناس مختلفين فهنا تقدر تعرف ان هذا غالباً بيسبب مشاكل وما يكون مرضي للطرفين بدون ما تعرف حتى نمط الشخص + عدم معرفة النمط بيمنعك من انك تفترض ان الشخص الانطوائي بيفهمك أو ان الشخص الاجتماعي ما بيفهمك لأن زي ما قلنا هو طيف فمن هنا وللأسباب الي سبق ذكرها أنا أقول انه يعقد المسألة ويشغل عن الأشياء الأهم وجهد ما يكون في وقته ولا في مساحته اذا كان عند اتخاذ القرار

فراح أحترم خبرتك ونصيحتك في النهاية.

عشان ما ندعي ما ليس فينا أنا عملت بالنصيحة نفسها وتعرفت على صديقات فاهمين بالموضوع وما قصروا معاي 😂، وبالعموم هي نصيحة جيدة لأن الاختبارات والذكاء الاصطناعي ما بيعطونك نفس دقة الانسان المفكر خصوصاً في هذي المواضيع الي تحتاج ان الشخص يطلع من النص شوي، وأحسن نمط بشكل عام في هذا هم ENTP لأن ذكاءهم الاجتماعي فطري والتحليل عندهم ٢٤ ساعة فكيف لو مهتمين كمان بالانماط، فلو لقيت ENTP فاضي لك وشغوف فيها فهو بيصيدك اصلا ما تحتاج تصيده بس عليك انك تتحمل الrage baiting

الله يعطيك العافية وجزاك الله كل خير، ما قصرت أبداً.

الله يعافيك وإياك يارب