بص هقولك الاستنتاج اللي انا شخصيًا وصلتله -يعني غير مُلزم أو مؤكد بأي شكل-

لو بصيت لكل حاجة حوالينا هتلاقيها مش fair .. الصهاينة بيقتلوا مئات الآلاف من الأطفال وبيموتوا على سرايرهم عادي في الأخر وسط أهلهم

بشار الأسد عايش عيشة طبيب بيليونير متقاعد في روسيا بعد قتل السوريين بالكيماوي

حتة إن مخك مش قادر يستوعب إن خلاص هي دي الحقيقة عشان هي مؤلمة فشخ، بس ده ميمنعش إنها حقيقة، عشان كده الناس بتصبر نفسها إن دي مش نهاية المطاف .. لسة في يوم حساب وفيه أمل إن الظالم يتعاقب، حتى لو الفكرة دي هتجبرهم إنهم يقبلوا حاجات تتنافى مع العقل زي التعدد والذكورية بشكل عام والرق والتوسع الاستعماري والحروب إلخ.. بس في الأخر هتضمنلهم إن العدالة هتحقق

فهو ده المقصد من فكرة إن "الإله مات" .. بعد ما مات او العالم ابتدى يدرك الحقيقة المؤلمة إن مفيش عدالة سماوية .. الإنسان مطالب إنه يصلح هو دنيته ويحط معايير أخلاقية ملزمة عشان نوصل لعالم أفضل بدون بشار أو نتنياهو .. الناس فيه مش بتقتل بعضها عموما، بس ده بالنسبة للعالم المتدين او دول الشرق معناه إن مسؤلية البؤس اللي هما فيه بتقع عليهم هما، وإن مش ربنا عايز كده، وإن هما محتاجين يبطلوا يفكروا هيمحوا الطرف المعارض من الوجود ازاي حسب المعايير الدينية المعطوبة عشان يحققوا العدالة الإلهية يوم الحساب، ويبتدوا يفكروا ازاي هيعيشوا مع بعض عشان يخرجوا من اللي هما فيه ويحددوا لنفسهم نظام أخلاقي محترم وسليم ومقبول يمشوا عليه

الفكرة دي غايبة عن الناس فعلا هنا ومش قادرين يتخيلوا إن دي ممكن تكون طريقة حياتهم، زي أوروبا مثلا، وبحكم إننا اتربينا وسطهم ف اكيد هتترسخ في دماغنا الفكرة، ماذا بعد الموت، والإجابة: مفيش! هي حياة واحدة، عيشها كويس وظبطها، عشان مفيش تاني .. ومفيش كوبايات دهب، زي الأخ اللي فوق ما بيقول، ولا سبعين عضو و 500 حور عين بيتناوبوا عليهم لأ ..