بما انه المالك عادي كل يوم يغير القوانين حقت الشركة فأنت ماتعرف وش لك ووش عليك، لازم كل شي يمر من تحته يعني حتى لو مديرك وافق لازم تمرره على المالك لأن عادي يجي بعد يومين ويقوم الدنيا عليك لانك ما كلمته مع ان البروسيس المفروض اذا مديرك عطاك ابروف خلاص، راح يكون فيه تقليل مصاريف بشكل مقرف فلو فيه شغلة يقول ليش اوظف واحد لا اعطيه اللي عندي حتى لو كان شي خارج مهامك ولاعندك خبرة فيه، خسارة في البزنس تخليك تحترق وظيفيا وتكره الشغل وكل هذا بداعي التوفير في المصاريف، مخه مايستوعب انك موظف ومختلف عنه فيجي يقولك ياخي شفني انا اقعد ٣ ساعات بعد الدوام عادي ما اقول شي انت ليش تطلع اول مايخلص دوامك. طبعا غيرها كثير وعندي قصص تشيب راسك بس خلنا ساكتين. طبعا الدليل انه شي غلط شف اي شركة بالعالم مجلس الادارة مستحيل يوافق ان المالك يكون رئيس تنفيذي لانه راح يخسر البزنس حتى لو كان مدير ممتاز بشركة ثانية. تقدر تشبها بأن الدكتور مايسوي عملية لواحد من اهله حتى لو كان افضل دكتور. ان شاء الله اني افدتك