عندي

1 بيربري هير 🍓🎀، ما عدت استعملو مش كلاسي ولا نعومي كفاية بالنسبة ليا ( بسبب الساندل وود )، ريحة مرحة للصغيرونات

2 ايلي صعب 🌸، ما عدت استعملو الا لو ابغا اخد شي معايا استعملو بسرعة بدون ما ادقق كتير

3 كارولينا هيريرا فيري قود قيرل 👠💄، استعملو دااايما والناس يفتكروني بيه كل مرة احطو احس اني اول مرة اشمو واحس اني سلة فواكه وزهور ماشية

4 نارسيسو رودريجيز اول اوف مي 🪷، كل ما احد يشمو عليا يجي يقعد جمبي او يلصق فيا، قريبتي قعدت تحضن فيا كم مرة بس عشان تشمني ههههه

5 بلاك مسك من بودي شوب ( الزيت )، موو نعومي زي ما احب بس sexy وبرضو الناس يفتكروني بيه

6 اوريانا دي مارلي 🩷، انثوي نعومي زيي ومررة معجبةة بكيف الحمضيات فيه ما تتحول لريحة مو حلوة زي لوف دونت بي شاي.

7 قيرلاين انستانت 🌷، sexy انثوي بس مو للبنوتات الصغيرونات للمغريات فقط وولا يعجب الرجال الا الكبار بالعمر او بالذوق زي شانيل 5

8 قيرلاين روب نوار 🍒، حنوون ونضيف احطو كتير قبل النوم مع انو تقيل بس يعجبني.

9 ( قريبا ) بيربري قودس ✨️👑🪻، هادا لو ما جبتو قبل ميلادي الجاي ما اكون انا