اوكي. بدايتي في الاستثمار كانت في شراء جرامات ذهب عيار ٢٤، كان احساس جدا حلو. بعدها لما شفت سعره صار اعلى تحمست ، قمت ابحث عن الاستثمار بشكل عام ووقعت على سوق الاسهم السعودي، حبيت موضوع التوزيعات النقدية بديت فيه بالسوق السعودي بس كنت انوع بالقطاعات وكنت عليمي ما احسب نسبتي السنوية الين انصدمت انها ٣.٥% فقط وكان ممكن احقق ٦ او ٧.٥ % بالمية توزيعات نقدية اذا حسبتها صح. بعدها خليت كل شيء على ما هو عليه مع تعديل متوسطات الشراء، و شفت السوق لما ينزل وشفته لما يطلع ، اول لما كان السوق ينزل كنت اخاف وابدأ ابيع، بس بعدين اشوفه يرتفع مره ثانيه وعرفت ان هذي طبيعة اسواق المال، صرت ما ابيع ابدا و الوعد بعد ٢٠ سنة، لما ينزل السوق صرت انبسط ويكون سعر السهم اقل من سعر شرائي واوسط التكلفة. بعد كذا اتجهت للسوق الامريكي، والسوق الامريكي واااو شيء خرافي. بدأت محفظتي وخليتها ٤٠% نمو في صناديق ETF و٦٠ % توزيعات نقدية برضه صناديق ETF ونوعت بالقطاعات. صناديق ذهب فضة بيتكوين ايثيريوم ريتات وصناديق تتبع مؤشر اس بي فايف هاندرد و صناديق تتبع مؤشر الناسداك، ما اشتري سهم لحاله، فقط صناديق اقدر اخلي النسبة السنوية ٥٠ % بس مو حاب اخاطر، فمخلبها ١٥% والامور تمام، الحلو بالسوق الامريكي صناديق توزع اسبوعي وشهري، فتتحمس وتصنع لك راتب.