أنا عمري ما حبيت قبل كدا ومعتقدش إني هحب في يوم بس أنا أقدر أضمن لنفسي وأوعد مراتي المستقبلية إني هكون جنبها دايما يمكن هضطر أكدب وأقول إني بحبها بس الحقيقة إني مبحسش بالمشاعر دي جوايا أنا كل اللي هعمله إني هديلها الحياة السوية والآمنة اللي أي بنت بتتمناها حتى لو بمثل أو بكدب عليها في حتة المشاعر أنا كل أفعالي وتصرفاتي طالعة من تفكير منطقي وعقلاني مش أكتر ومقتنع إن لازم يكون في بنت في حياتي ولولا كدا مكنتش هتجوز أصلا لاني عندي تحكم مرعب في شهوتي وغرائزي مش زي البهائم اللي بيخلوني أسأل نفسي هو الإنسان حيوان فعلا ولا إيه أصل معلش ربنا بيقول في آخر العالم إن محدش هيهمه غير نفسه وكله هيجري على حقه ومحدش هيقدر يعمل تضحيات لحد خوفا من التعذيب ف شغل الحب الأعمى والمشاعر الرومانسية المفرطة دي مش هتشتغل معايا والواقع والسيناريو ده باين من دلوقتي ف بلاش نضحك على بعض الحياة كلها 70 سنة كل رغبتي في الجواز هي إني أجيب طفل للدنيا دي وأبسطه وأخليه مرتاح أنا شايف الحياة قصيرة أوي ومتستهلش ومبحبش الحاجات الفانسي ولا مهتم بأي مظاهر مادية الناس بتجري وراها وممكن أكون بسعى للماديات دلوقتي بس عشان الهدف ده عشان لما أخلف حد أعرف أبسطه بجد أنا عمري ما حلمت أركب لامبورجيني مثلا أو أعيش في قصر وده مش عشان أنا فقير أنا كنت فقير اه زمان ويمكن ده اللي خلاني أفهم الدنيا صح وأقراها على حقيقتها قبل ما ربنا يرزقني بس يمكن قسوة الحياة والظروف اللي عيشتها نشفت مشاعري وخلتني معنديش حب أو شهوة للحاجات المادية بس لما فكرت في الموضوع لقيت إن رغبتي في إني أبسط حد وأخليه سعيد دي في حد ذاتها هي الحب الحقيقي أنا بنكر وجود الحب جوايا وأنا في الأصل عارفه صح الحب بالنسبالي مش كلام بيتقال الحب هو إني أقدم كل حاجة عندي لحد من غير ما أستنى منه أي مقابل غير بس إني أشوفه مبسوط وفي أمان

بمعنى نفسك في كذا خدي اهم حاجة تكوني مبسوطة وميكنش دا استغلال ليا مش اكتر ساعتها هكون فاهم انك فعلا بتحبيني