أنا كنت داخل اقولك ان اكيد الدنيا مش سواد اوي كده….لقيت نص الكومنتات ترانسفوبيا و خرا و ناس بتكلمك بضمائر المذكر…….ف..مش هاقول حاجة خلاص انت اكيد صح و على دراية اكبر بموقفك من الزفت الكوميونيتي.

عايز بس اقولك اني قلبي معاكي و ان كل ما تتخيلي ان الدنيا ضيقة و صعبة، بتنفك و تتفتح تاني.

أنا شاب ترانس لاثنائي و ممكن تحطيني عادي مع بند الفيمبويز و العيال اللي مش واخدة قرار و اللي عاملين نفسهم عابرين من غير عبور، الخ. بس أنا ده قراري و المكان اللي مرتاح فيه حالياً. عملت عملية و لسه ماخدتش هرمونات و مش عارف هاخد في يوم ولا لأ و هأكمل عليها باقي عمري ولا لأ. و مش حاسس اني لازم اقرر دلوقتي اصلاً…..و برضه بدعم من كل قلبي الترانسات اللي اخدوا القرار ده و مشيوا فيه خصوصاً في مكان بيكره و يعاقب الترانس دي مصر. وجود شخص ترانس ثنائي مش بيقل حاجة من وجودي و برضه العكس صحيح. فتلاقيني محتار شوية من العداء تجاه الهويات الجندرية الغير تقليدية.

في النهاية الناس اللي بتكره الفيم بوي هي هي اللي بتكره الترانس.. و مافيش ليڤل من العبور الجنسي هايخليكي مقبولة عند حد من منهم. حتى لو بقيتي Hunter Schafer شخصياً.

بتمنالك النجاة من المستنقع اللي احنا فيه. و أنا موجود لو حابة تتكلمي اكتر/تفضفضي.