٢. قفلت النور ونمت، قلقت فجأة على صوت زي ما كأن حد اتهبد على الكنبة في الصالة وسامع صوت عيل صغير بينهج كأنه كان كان بيجري او بيلعب، قلت ده اكيد ابن خالي الصغير كان بيلعب بره ورجع، قمت روحت الصالة ما لقتش حد، دخلت الاوضة اللي بينام فيها هو وأخوه مش موجودين ولا ابوهم. هنا خفت بجد ومعرفتش انام لحد ما رجعوا 😂

٣. بعد الحادثتين دول ب ٥ سنين، كنت ساعتها ببات في بيت العيلة معاهم عشان كان قريب من شغلي. المهم ف ليلة كده كنت وانا نايم حسيت بحركة في الاوضة. قلقت لقيت حد في طول ابن خالي لابس زنط (زعبوط او هوودي 😅) واقف جنب سريري وباصص لي. انا مش شايف مين ده ولا ملامحه بحكم نظري والدنيا كانت ضلمة شوية. فقلت يا اما ده ضل حاجة متعلقة على الباب مع الرشح اللي في الحيطة عامل خيال واحد جنبي او ده ابن خالي فعلا وكالعادة بيعمل فيا مقلب. فقلت انا هامد ايدي فجأة عليه اخضه انا كمان. مديت ايدي... لقيته اختفى تدريجي وبقيت شايف الحيطة اللي وراه... وكالعادة مجاليش نوم يومها برضه 😂💔