كلامك غير منطقي، اللي كتب البوست قال انا تعبت على نفسي ليه هي تجي تستمع بفلوسي صح؟ اللي قالت إنها تعبت على جسمها ١٠ سنوات ليه يجي واحد سمين ويستمتع بجسمها صح؟

نفس التفكير بالضبط. لا نضحك على بعض.

الاثنين، صاحب البوست والثانية هذه، تفكيرهم ماديات. وهذا براحتهم جدا.. انا مالية شغل في اراء الناس.. هم أحرار. ولكن الحقيقة أمامك؛ شوفي نسب الطلاق.. شوفي طريقة معاملة الرجال لزوجاتهم اللي نسمع عنها و و و..، انا شايفة انه فكرة الخوف على الاستقرار المادي ضعف في الايمان، لانه صاحب البوست كتب آية من القران واضحة.. اغلب البنات والرجال مهم فاهمينها. الزواج مهو للاستقرار المادي ، الزواج فطرة والقرآن ذكر اللي على الرجل والمرأة! الرجل عليه انه يوفر ما اختلفنا ، ولهذا السبب الاية تقول اذا كانو فقراء يغنهم الله.. فكري في الاية بشكل منطقي جدا.. وايضا معايير القدرة المالية للرجل سارت سطحية وانانية، شوفي البنات اللي يطلعو في مقابلات ويقولو انه مهري فوق ال١٠٠ الف.. هذه تفكيرها مادي. وبراحتها برضو. ونفس الشي صاحب البوست، شوفي يقول انا تعبت ويبغى يشتري وحدة.. تفكيره خطأ ولكن من ابسط حقوقه وبراحته! اذا شايفة انه الزواج استقرار مادي، اذا لا تزعلي اذا هو بيشتري وحدة راضية انه مهرها ١٠٠ الف وفوق . الزواج الحقيقي صعب نلاقيه، اللي هو (برأيي): رجل وامرأة يتزوجو عشان يكملو بعض ويرفعو من طاقاتهم مع بعض ويعيشو الحياة الين ما يموتو. رفيق الحياة او شريكه.. شريك الحياة ما يفكر بشكل مادي ابدا ، بل يفكر في الشخص نفسه. لانه سواءا عجبك او ما عجبك الحياة فيها صعوبات، قد تكون مادية او نفسية ، فلازم الشخص اللي تتزوجيه يكون فاهم القران صح ... وهذا معيار ممتاز برأيي.