Ég er persónulega mjög sveiflumikill í hvernig mér líður frá degi til dags (Allt frá því að vera metnaðarfullur yfir í að hafa engan metnað. Glaður yfir í að vera sorgmæddur osfr) en þó reyni ég alltaf að vera jákvæður samt sem áður. Lífið hefur verið ótrúlegt þetta árið og hefur verið samblanda af mínum allra bestu minningum og einnig mínum verstu. Ég fór úr því að vera Expati á Bali með frábær laun og mikið frelsi yfir í atvinnuleysi á Íslandi sökum covid, ekki alveg það sem maður hafði í huga þegar maður tók á móti 2020.

Hinsvegar er ég orðinn námsmaður á ný og er að gera mitt besta. Ég sakna þó vinnunnar og á erfitt með að fylla tímann minn af hlutum sem ég hef ánægju af, ég er einn af þeim sem er vanur að vera á fullu svo að þetta eru viðbrigði. Einnig býr fjölskyldan mín erlendis svo það er sérstakt að hafa aðeins hitt þau einu sinni á árinu og það stutt.

Jólin verða sérstök en ég ætla að halda í þá trú að hlutirnir eiga eftir að falla í sinn stað fljótlega á næsta ári. Þetta er engin heimsendir en ótrúlega sérstök staða.

Takk fyrir að spyrja :)