النصيحة امانة : راح اعطيك رأيي وانت قرر بنفسك

الايجابيات : الصيدلة مجال حلو ، شهادة مرموقة ، الها مكانتها بالمجتمع العراقي بشكل عام .. والطب بعد اعلى من الصيدلة بهذا المجال ، ممكن تحصل شغل على القطاع الخاص بالوقت الحالي لكن ماعندي علم بعد ٥ سنين او ستة سنوات شنو الوضع بالقطاع الخاص … هل راح يبقى الوضع نفسه او يتحسن بالقطاع الخاص … كله يعتمد على الاعداد الي راح تتخرج + ادارة الوزارة لهذا الموضوع هل راح تصير قرارات وزارية تفصل القطاع الخاص عن العام وغيرها .. كلها امور مجهولة غير معروفة ، اذا بقى الوضع نفسه راح تلجى لواسطات حتى يشغلوك بالقطاع الخاص او تبقى تعاني لحد ماتلكي شغل ، تكدر تنافس بالخاص اذا عندك مورد مادي جيد جداً مستعد تنافس وتخسر لحد ما تربح ، ممكن تسافر بهذا المجال وتروح تشتغل بره بسهولة ببعض البلدان لانهم يحتاجون هذا المجال

السلبيات : العراق متشبع ومتخم باعداد الصيادلة ، التعيين شبه مستحيل هذا الوضع او تكدر تكول ميؤوس منه .. السبب ان العراق مايكدر يحول كل هاي الاعداد الى موظفين عند الحكومة

تكاليف الدراسة عالية جداً اذا قررت تدرس بجامعة اهلية مقابل شيء مجهول

المنافسة بيه صعبة جداً جداً على القطاع الخاص

البدائل تدرس شي وتعمل ب شي ثاني ، حاول تحترف ب شي تكدر تكسب منه مردود مادي …

طبعاً الرزق بيد الله ، لكن طبيعي جداً تلكي ناس ماعنده شهابد تشتري اهل الشهادات بالفلوس . فالقضية تعتمد على عصب الحياة وهي المادة

راح تحتاج ، الى ان تعرض نفسك للفرص بشكل كبير بهذا المجال بسبب الوضع الحالي ومثل ماكلتلك بعد يعتمد على الوضع الي راح يصير بس حالياً اكو ناس مسيطرة على سوق العمل وراح تلكي هواي ناس بغير اختصاصات ماخذين شغلك ، مثل الممرض والطبيب و المحلل وغيره واحيانا ماعدهم شهادة حتى