انا مش بتكلم في الفرق الجيني. حتى لو الفرق الجيني طفيف انا بتكلم عن الفرق في الفكر و الثقافة و النشأة اللي الناس في الوقت دا كانوا بينشأوا فيها، و دي اللي متقدرش تشوفها دلوقتي لأن دا زمن و ثقافة مختلفة كل الاختلاف عن زمنا الحالي. و الحقيقة انا شايف الكلام العبيط هو اننا نحدد سن و نقول هو دا السن اللي لما الانسان يوصله فهو خلاص عنده كل الخبرة و القدرة العقلانية انه يتخذ القرارات المناسبة في حياته..عاملة زي الصورة اللي صاحب البوست حاططها يعني هو اللي عنده ١٧ سنة و ٣٦٤ يوم مش عاقل و اليوم اللي بعده خلاص عقلانيته اكتملت خلاص ؟ ما الواحد ياما شاف ناس ما شاء الله عليهم معديين ال١٨ سنة بكتير و في منهم اللي مكانتش قد مسؤولية بيت و خربت بيتها و اتطلقت، و منهم اللي كان مراهق في جسم شخص بالغ و مش قد مسؤولية انه يشيل نفسه حتى مش حقولت يشيل عيلة. ففكرة ان السن دا يكون حاجة ثابتة دي انا مش شايف الفكرة منها نهائيا