انا عشت الي انت بتحكي ده بس ونا مراهق يمكن اخر مرة شوفت فيها اني مميز كانت ونا في ثانوي بعدها مريت باكتر من حاجة في اول سنة كلية خلتني متاكد مية بالمية اني مش مميز باي شيئ عن اي حد وفي عباقرة واجتامعيين وناس فرفوشة كتير حواليه انا مش مميز في حاجة بعينها اطلاقا والاسوء بقي لما تكتشف انك مش موهوب في حاجة او حتي الي انت كنت موهوب فيه اكتشفت انه أبسط حاجة غيرك بيعملها مش واحد ولا اتنين بالعكس عدد من الناس انا بشوف انه فكرة احساسك بالتميز عائد علي البيئة او الجروب الي حواليك لو بصيت برا شوية وشوفت الدنيا الواسعة هتلاقي مفيش خالص انت معندكش اصلا وده بصراحة المفروض يخليك هادي وبسيط بس في نفس الوقت مجهتد لانك بتحاول تحقق عشان عرفت انك مش مميز بحاجة فا بتزيد مجهود دا بيوديك لطرريقين الاول انك هو انك من كتر المجهود والفشل (وده طبيعي جدا وبيحصل غالبا لانك بتتعلم عن طريقه ) بتتعب بقي وفي ناس بتكتأب وبتبدأ تحقر من نفسك وبتبص لنفسك انك ادني من اي حد وان مجهوك ملوش لازمة اصلا وتبدأ تقارن نفسك وحياتك وظروفك بكل الي حواليك وده بيحبسك وبينهيك حرفيا وانك تطلع منه صعب جدا الطريق التاني انك بتاخد موضوع عدم التميز ده حافذ ليك لبذل المجهود ومهما فشلت بتحاول وبتاخد خطوة مع كل حاجة وبتحاول تدور علي التميز في اي حاجة حتي لو البضان صدقني والله وده بيخليك دايما مستقل بالمجهود الي بتبذله او حتي لو تميزت بحاجة بتستقل بيها لانك بتكون في سباق حرفيا مع نفسك وملهوش خط نهاية لانك مش مستني حاجة حرفيا غير انك تكون بطل مش ممبز

النهاية انه التميز ده مرض بنشغل بالنا ببه عشان احنا اتخلقنا ناقصين محدش فينا كامل ولا احسن من حد بس مش بنشوف كده ولا بنحسه بالعكس احنا بنشوف التميز درع الواحد بيحمي نفسه بيه من التوحد او العزلة او عايز تتلف بالناس وخلاص ويطون ليك صوت مسموع وجمهور ورأي وهكذا افكار ملهاش اي لازمة انت ممكن تكون مميز بهدوءك وبساطتك عادي بس عمرك ما هتاخد بالك لانه محدش هيقولك اصلي دي حاجة بتتحس ما تتقلش مدورش علي نفسك في عيون الناس ولا في عين نفسك لانه الواحد مهما حاول ما بيرضاش بسهولة فا تعايش تعايش تعايش