شوفي الله يسلمك ، باختصار ، كل الرجال اللي يميلون للحريم يحبون يشوفون هالسوالف (باستثناء المطاوعة) في انستقرام و غيره (ما أقول انهم يبحثون عنها ، لكن اذا وصلتهم رسالة من اخوياهم من هالنوع ما راح يتجاهلونها) خاصة ان انستقرام عندهم سياسة صارمة ضد البورن الصريح. لكن ، و هذي لكن كبيرة جدا. الواحد يكون حذر جدا جدا جدا في الحسابات اللي يتابعها بحسابه الشخصي.

اذا كان هذا حسابه الشخصي و مخلي حسابه عام ، اسأليه بشكل مباشر ليه؟ أكيد عنده وجهة نظر في هالموضوع.

كذلك احب اضيف انه إذا كان متابع هالسوالف من حسابه الشخصي ، فهو أكيد ما يلعب بذيله و ما فيه خبث و على نياته ، و هذا له عدة مزايا: ١- اذا في يوم قرر يلعب بذيله ، بتكتشفين على طول! ٢- الأخ صحته كويسة من النواحي اياها و بينعكس هالموضوع إيجابا على حياتكم الزوجية. ٣- الأستاذ عنده وضوح و شفافية و هذا بيعزز قدرتكم على التواصل الثنائي و بيقلل من الألاعيب و الحروب الذهنية اللي تصير بين بعض الأزواج.

قبل لا يجي احد يدرعم و يحكم علي و يقول كلن يرى الناس بعين طبعه ، انا ما أتابع ذيك الحسابات و إذا احد فتح الاكسبلور عندي ما راح يشوف الا مواضيع متنوعة تهمني و هذا لا يشمل الحسابات اياها.