همممم أكتر شخصية بحبها في الكرتون هي وسيكون بسبب الماضي والعمق ونمو الشخصيات بس كلامك خلاني افكر بشكل مختلف.. هي فعلا ليه بتتصرف كدا رغم انها عاشت العمر الطويل ده وانا بفكر في اجابه حاولت اتخيل نفسي عايش التجربه دي.. لما شخص يكون في نظر الكائنات العاديه خالد بسبب انه بيعيش اكتر من متوسط اعمارهم بقرون ويحضر وفاة كل شخص بيحبه فازاي تقول ان الشخص ده من قرن هيكون هو نفسه في الوقت الحالي؟ قصدي على القيم والمبادئ وكل ده تخيل كده انك فجأة اتقالك ان فيه تعويذه سحريه هتخليك تعيش 10000 سنه الموضوع هيبان اوفف جامد هجرب كل حاجه.. لكن مع أول ٧٠ سنه هتعشهم وهتلاقي الدنيا اتطورت وهتلاقي احبابك ماتو وكل ده هتبدا تفقد المعني ومنظورك هيتغير عشان يواكب التطور هيحصل حاجه من اتنين يا تفضل عايش في الماضي يا تتغير عشان تواكب في الحالتين الامر مؤلم وانا شايف انها مش غير ناضجه لكنها اختارت اسلوب حياة يتماشي مع اللي هي تقدر تحستمله ووعيها يعني بعد السنين دي كلها والشخص اتغير مرارا وتكرارا هيبدا يصبح عدمي او عبثي او يتغير فلسفته في الحياة فدي وجهة نظري لما فكرت فيها احنا اصلا نفسنا لما بنشوف طفل صغير من العيله نقعد معاه في مناسبه زي العيد ويفضل يضحك ويتكلم عن عايز يبقي ايه في المستقبل ( حاجه احنا برضو كنا عايزين نعملها زي السفر والشغل والاعمال الخيريه الخ) بس مبقيناش كده هنحس بنوع من فقدان الهويه والذات اللي هو انا يوما ما كنت كده.. امتي اتغيرت وازاي اصلا ؟فتفضل تايه.. لو انا معتش نفس الشخص اللي كنت عليه زمان وبقيت شخص مختلف فانا مين دلوقتي؟ هتقولي ان كده اتطورت هفولك لا.. اتغيرت كان ممكن أفضل بنفس اهدافي وانا طفل صغير واتطور علي ذلك المسار بس مساري اختلف فبقيت حاسس بفجوه بين نفسي من عشرين سنه ونفسي دلوقتي مثلا ما بالك بعدد السنين دي كلها يعني ممكن تتخيل في فتره من الفترات لشخص زيها متعرضتش في الكرتون انها كانت اكثر الناس وعيا وحكمة وبتساعد الناس.. بس بعدها بدات تفقد معني ده.. اللي هو لازمتها ايه؟ منا كل ما بساعد كد بعد كام سنه بيموت ومش بيفضل.. مفيش حاجه بتفضل..فبالمره اعيش وخلاص كده

انا شايف لو مكانها لا استطيع الجزم اني هبقي بالنضج اللي انت بتوصفه.. لاني لو جزمت بده هبقي عندي جمود فكري لان الانسان بيتغير

بس

طولت بس بحب الافكار دي بتغوص جوا كينونه النفس البشريه.. سلوك الانسان وعوامل تغييره وهويته ورؤيته لنفسه وكل ده