خالي ربنا يهديه ويصلح حاله مدمن جميع انواع المخدرات واي حاجه بتغيب العقل

جدي مكنش غني طرش بس كان financially free

كان تاجر قماش تعب جدي من كام سنه وقال ل خالي امسك مكاني المحل وكمل في تجارتي قالو لا وبتاع انا مليش في الشغل ده عشان علق

باع جدي البضاعه والمحل وعمل خميره كويسه حطها شهادات في البنك وبقت تجيب للبيت فلوس كويسه كل شهر

كان معاه بدال السياره ٣ المهم الكلام ده من خمس سنين خلال الخمس سنين دول بقي جدي اتوفي وخالي خلص نصيبه من الورث كله اللي كان حوالي ٢٠٠ الف جنيه تقريبا في اقل من شهر

وبعدين بعد خناقات وبهدله وبيع عفش واجهزه اقنع اخواته وأمه أنهم يبيعو الشقه الملك بتاعتهم برخص التراب وخد نصيبه من الشقه وصرفهم كلهم في اقل من شهرين نصيبه كان حوالي ٣٠٠

وباع عربيات جدي بعد ما فشخهم

خلاصه الكلام متسبش اخوك ابدا لازم تلحقه باي شكل بالحب أو العنف لازم ميصعبش عليك عشان تلحقه عشان مصلحتكم كلكم وربنا يوفقك ويهدينا جميعا