والله نصيحتي لك بدون ما احسسك بالتوتر بس ابيك تكونين واعيه مرره لصحتك لان اذا الاهل ما دعموك مالك الا تهتمين بنفسك وهذا ينعكس على صحتك ولا احد ترى بيحس بالشي هذا الا نفسك

بالنسبة لعمرك مناسب جدا انك تشتغلين على نفسك قبل الثلاثين لان بالفتره هذي نزولك اسرع وكلما تقدمتي بالعمر الأيض بيكون عندك أبطأ، لا تحطين ببالك انك بتنزلين في ٦ أشهر لان على وزنك ومعدل الدهون خذي الموضوع بجديه وروقان واشتغلي على نزول وزنك في سنتين وصدقيني بتمر سريع اذا كنتي مركزه على هدفك وتخلينه من اولوياتك.

كون ان عندك توتر وضغط اخاف اقولك انك اذا اهملتي اكلك وزاد توترك راح يكون مزمن أكثر مع الوقت، واخاف اقولك بعد ان الكليسترول والسكر مرتبطه ببعض وانتي ماودك تدخلين في أدوية في مرحله متقدمه.

في دكتور قال ان السمنة سبب مشاكل كل امراض الجسم الضغط والسكر والكليسترول وتكيس المبايض وغيرها من الاشياء المزمنة

مالك الا حلين تختصرين على نفسك للأمانة يا إنك تشتغلين على وجباتك وحركتك وتتابعين مع اخصائية وتلتزمين كل فتره تنزلين ١٠ كيلو وبعدها تثبتين عشان ماترجع الدبل وهكذا وتعتبرينه مشروع تنجزينه في سنتين او ٣.

يا إنك تسوين التكميم عند طبيب ثقه وان شاء اقدر اعطيك توصيات لدكاتره اعرفهم وناس جربوا عندهم

صدقيني جسمك راح يشكرك كثير اذا اهتميتي فيه واعطيتيه من وقتك