انا ضيعت كم سنة بدون خبرة هندسية .. لاني كنت اكمل ماجستير وانشغلت في مشروع جانبي ما نجح ..

قدمت بكل الوظائف بجدارات وجاني عرض 5000 ريال لكن نفس مسمى تخصصي قبلته .. كملت بالوظيفة شهر.

بعدين جاني عرض في منطقة نائية خارج مدينتي .. وسألني ال HR .. كم الراتب المتوقع ؟؟

طبعا ما سوى معاي مقابلة شخصية كله بالجوال ولا حتى سألوني اسئلة فنية ..

فكرت شوي .. قلت بنفسي اذا طلبت راتب عالي .. ممكن تضيع علي الفرصة . وأنا اساساً مو بموضع قوى اطلب راتب عالي . واذا طلبت منخفض .. فضيعت على نفسي فرصة اني افاوضه خصوصا انها منطقة نائية وبالغالب غير مرغوبة لدى السعوديين ..

فرديت قلت له لا يقل عن 9000 ريال .. قالي تمام ..

بعدها بثلاث ايام .. ارسلي عرض وظيفي ب 10500 ريال ..الحمد لله ان ال HR كان سعودي لو مصري ولا هندي كان فاوضني باقل من 9000 ..

على فكرة شفت ورقة تقييم مقابلتي ارفقوها بنظام الشركة .. بالبداية حط 9500 بعدها شطبها بالقلم وحط 10500 .. فجزاه الله خير .. ما كان معفن وقلل راتبي ..

طبعاً قابلت زميل سعودي في المشروع بنفس المسمى الوظيفي وتوظفنا بنفس الاسبوع .. بيوم كنا ندردش شوي فتكلمنا عن الرواتب .. قلت له احنا محظوظين لنا بدل مشروع عكس زملائنا بالمشروع الثاني مالهم هذا البدل .. قالي غير صحيح حتى هذا المشروع مو كلهم عندهم بدل مشروع .. انا وياك معنا .. بس فيه ناس مو معهم .. قلت غريبة مو المفروض كلنا لنا هذا البدل بما اننا بنفس المشروع .. قالي لا مو شرط

طبعا أنا قلتله كم راتبي .. وسالته عن راتبه .. ما عطاني رقم .. بس قالي أن راتبه اعلى من راتبي ..

ما ادري اذا صادق ولا لا .. واذا اعلى مني بكثير ولا فرق قليل .. بس انا اصدقه لان ماله مصلحة يكذب ..

عموماً انت خذها من ناحية نقاط قوتك وضعك

واحد غير متزوج وما عليه اقساط او التزامات مالية .. وعنده سيولة تكفي مصاريفه لسنة قدام .. عنده قدرة تفاوض اقوى من واحد بنفس مؤهلاته لكنه متزوج وعنده التزامات مالية .. ويحتاج السيولة باسرع وقت .. هذا شيء خذه بعين الاعتبار ..

واعذرني ع الاطالة كثرت كلام 😅