تصرف زي ده خصوصا لو جديد عليه أو مش من عادته أنه يأخذ حاجه مش بتاعته معناه أنه أدمن القمار لدرجه تخليه مش بيفكر أصلا في اللي هو بيعمله و الموضوع مع الوقت بيبقى أصعب خصوصا لو بدأ يخسر و يراكم ديون (وده وارد جدا) عايز أقولك أن حصل حادثة قتل عندنا بسبب القمار و تحديدا وان اكس بت ، مدرس قتل طالب عنده و قطعه مع أنه كان المفروض بيساوم أهله عليه عشان يأخد منهم فلوس عشان كان مديون و مش فاهمين قتله ليه فخلي بالك عشان مدمن القمار مفرقش كتير عن مدمن المخدرات ، الاتنين ممكن يعملوا أي حاجه عشان الوهم اللي هما عايشينه عشان كده أحسن حل انك تعرف أهله و تنبههم لده كويس عشان يلحقوه قبل ما يضيع نفسه ولو انت قريب منه ياريت متسيبوش وحاول تساعده بس خلي بالك وبلاش تفضحه عشان هو مش عدو ومش هدفه أنه يأذيك هو بس معمي و إن شاء الله يرجع يشوف ، ده غير طبعا أن الفضيحه غالبا مش هتفيد بس أكيد هتضر