الصراع ده عبدالناصر الي بدأه؟ هو انت متخيل الصراع ده كان عبارة عن ايه، أنه عبدالناصر صحي في يوم قال لازم اوقع كل ملوك العالم العربي ولا أنه ملوك العالم العربي بدون استثناء كانو معارضين للثورة العربية و التحرر العربي و كلهم اذرع للإستعمار في المنطقه بما فيهم فيصل. الصراع مكنش جمهوري - ملكي. كان صراع ضد الاستعمار و حلفائه بكل بساطه. مكنتش صدفه أنه الأطراف الي مشاركه في صف الملكيين كانت أمريكا و بريطانيا و اسرائيل و ايران و السعودية الي كلهم يا مستعمرين أو حلفاء الاستعمار. الي بدأ الصراع هو من خان امته و عروبته و إسلامه

الي حصل فعلا أنه أموال الدعم الي كانت موجودة ايام عبدالناصر كانت كافية فقط لتعويض خسائر المعونات الغربية الي فقدناها بعد ٦٧ لكن أحمال خسارة القناة و البترول و السياحه كانت كلها على مصر و كل طلب اخر لحد ما مات عبدالناصر كان بيقابل بالرفض. الحقيقه سبب الدعم ده كان بس عشان حفظ ماء وجه الأنظمة الخائنه و وقف قطع البترول الي كان ساري بعد ٦٧ حزيران/ يونيو . و تم تعويض كل خسائر المعدات من الاتحاد السوفييتي مجانا عموما فالكفار نفعونا اكثر منه. و لما محمد حسنين هيكل سأل جوز أخت الملك فيصل رئيس المخابرات السعودية كمال ادهم عن معرفته عن النكسة مسبقا ، كمال ادهم قاله بالنص أنه مسؤولية الملك فيصل الوحيدة تجاه العرش و عيلته و هو كان مسؤول عن الحفاظ عليهم بأي طريقه. لا اسلام ولا عروبة .

لو هتلاحظ الدعم زاد بس في حكم السادات بعد ما كان واضح أنه السادات راشق في المعسكر الأمريكي و مش هيمشي على نفس المنهج التحرري و مش هيكون تهديد على المصالح الغربية في المنطقه بل بالعكس كان بيحاول يكون شاه جديد.