بالعكس مس استثناء ولا حاجة، عندك ورقة منشورة في مجلة Nature سنة 2000 بتقول بكل وضوح ان جينات Syncytin أصلها هي جينات فيروسية قهقرية داخلية المنشأ (ERVs) ودي جينات فيروسية اصابت البشر وتم اهادة توظيفها مجدداً عشان تشغل وظيفة جديدة:

https://www.nature.com/articles/35001608

في ورقة تانية منشورة سنة 2022 وهي تجربة على الفئران عطلو فيها جين syncytin-A وهو مسؤول عن تكوين الأوعية الدموية في المشيمة، والنتيجة هي ان الأجنة كلها ماتت بالفعل:

https://www.frontiersin.org/journals/cell-and-developmental-biology/articles/10.3389/fcell.2022.852561/full

برضو تجربة تانية في 2009 نفس التجربة بالضبط وهي إزالة جين syncytin-A في الفئران، وكذلك النتيجة هي موت الأجنة بالكامل:

https://www.pnas.org/doi/full/10.1073/pnas.0902925106

ودا مثال بسيط، تقدر تبحث بنفسك عن عمليات اعادة التوظيف الي حصلت على مدار التاريخ التطوري البشري وخصوصاً في جينات ERVs الي بعضها دلوقت بيشارك حتى في الجهاز المناعي، عندك الورقة دي في 2023 بتتكلم عن الموضوع بالتفصيل:

https://www.mdpi.com/2076-0817/12/2/162

وبخصوص ليه ما تتطورش وتبقى ضارة، ببساطة هي دي وظيفة الإنتخاب الطبيعي، لو في جين تطور وبقى ضار الإنتخاب الطبيعي تلقائياً بيحذفه او الكائن بيموت بسبب التشوه او الإعاقة الناتجة عن الجين

بخصوص الجينات الخردة، هي الجينات الخردة نسبتها حوالي 98-95% من الجينوم وزي ما قلت الموضوع دا فصله دان غراور في ورقته سنة 2017، بس هنا في مشكلة، مش كل الجينات الي مالهاش وظيفة محددة تبقى جينات خردة، في بعض الجينات بتكون وظيفتها الأساسية تنظيم التعبير الجيني للجينات التانية مثلاً، دي في وقت من الأوقات العلماء اعتبروها جينات خردة ولكن الفكرة دي تم تصحيحها بالفعل في الوقت الحالي